Արթուր Միրանեան Միացաւ Ալաշկերտին
Posted on February. 15. 2023
Հայաստանի ֆութպոլի ազգային հաւաքականի յառաջապահ Արթուր Միրանեան միացաւ Ալաշկերտին, այս մասին յայտնեց երեւանեան ակումբին մամլոյ քարտուղարութիւնը:
27 տարեկան ֆութպոլիստը, որ Շախտիոր Տոնեցքի սան է, նախապէս ելոյթ ունեցած է անոր 17 եւ 19 տարեկանէն վար ֆութպոլի խումբին, ինչպէս նաեւ Ուքրանիոյ 17, 18 եւ 19 տարեկանէն վար ազգային խումբերուն:
Ան մաս կազմած է նաեւ մակեդոնական Վարտարի, Փիւնիկ Երեւանի եւ Ուրարտուի:
Հայաստանի 21 տարեկանէն վար հաւաքականին հետ ան կատարած է 8 մրցում, իսկ ազգային հաւաքականին հետ` 3 մրցում: