Հաշմանդամներու Բազկամարտի Ախոյեանութիւն. Հայաստան Ոսկի, Արծաթ Եւ Պրոնզ Մետալներ Շահեցաւ
Posted on August. 31. 2024
Հայաստանի բազկամարտի հաւաքականը մասնակցեցաւ Մոլտովայի մէջ տեղի ունեցած հաշմանդամներու բազկամարտի աշխարհի 26-րդ ախոյեանութեան` ձեռք ձգելով պատուաբեր արդիւնքներ:
Հայաստանի ներկայացուցիչները տարբեր դասակարգերու կշիռի մրցումներուն մասնակցեցան թէ՛ աջ եւ թէ՛ ձախ ձեռքով:
Մրցումներու առաջին օրը ձախ ձեռքով պայքարին աշխարհի ախոյեան դարձան Վալթըր Յարութիւնեան, Սարգիս Խաչատրեան, Գէորգ Համբարձումեան, Անահիտ Բաբաջանեան եւ Նայիրա Մեսրոպեան:
Արծաթէ մետալակիր դարձան Գուրգէն Անտոնեան, Սարգիս Յարութիւ- նեան, Շահեն Բաբայեան, իսկ պրոնզէ մետալակիր` Արմէն Ենոքեան:
Երկրորդ օրը, աջ ձեռքով մրցումներուն, աշխարհի ախոյեան դարձան Գուրգէն Անտոնեան, Վալթըր Յարութիւնեան, Շահեն Բաբայեան եւ Նայիրա Մեսրոպեան:
Արծաթէ մետալ շահեցան Սարգիս Խաչատրեան եւ Վոլոտիա Բազէեան, իսկ պրոնզէ մետալակիր դարձաւ Սարգիս Յարութիւնեան:
Խմբային մրցումներուն Հայաստանի հաւաքականը 61 երկիրներու մէջ գրաւեց 4-րդ դիրքը: