mamul.am 15 ապրիլի, 2020 թ.
«Հանրապետություն» կուսակցության անդամ Լյովա Եղիազարյանը ֆեյսբուքյան իր էջում գրել է. ««Կարևոր ենք համարում Ռոբերտ Քոչարյանի խափանման միջոցի փոփոխությունը»: Սա ասում է Քոչարյանի իշխանության ժամանակ տեղի ունեցած պետական սպանդի օրը՝ հենց Հոկտեբերի 27-ին կաթողիկոս դարձած Գարեգին Երկրորդը: Սա հովվապետի կողմից իր հոտի անդամներից մեկի հանդեպ մարդասիրություն կարելի համարել, եթե նա գեթ մեկ անգամ հիշեր տաս զոհերին, աղոթեր նրանց հոգիների հանգստության համար, հանդիպեր որդեկորույս ծնողներին, սփոփանքի խոսք ասեր նրանց: Փաստորեն, Վեհափառն այդպես էլ չկարողացավ իրեն տարանջատել երկիրը ասպատակած, ձեռքերն արյունոտ բռնապետից ու այս քայլով էլ ավելի խորացրեց իր և ժողովրդի միջև եղած վիհը, մանավանդ վտանգի այս օրերին»: