Վրաստանի մէջ տեղի ունեցած է երիտասարդներու բռնցքամարտին միջազգային մրցաշարք մը` մասնակցութեամբ Ուզպեքիստանի, Ղազախստա- նի, Կիպրոսի, Լեհաստանի, Սէուտական Արաբիոյ, Իսրայէլի, Ազրպէյճանի, ինչպէս նաեւ Վրաստանի եւ Հայաստանի հաւաքականներուն:
Հայաստանը ներկայացնող 11 մարզիկներէն 10-ն բարձրացան փոտիում, ուրկէ մեր երիտասարդները վերադարձան 7 ոսկի, 2 արծաթ եւ 1 պրոնզ մետալներով: Խմբային դասաւորման մէջ Հայաստան գրաւեց առաջին դիրքը:
Ոսկի մետալներ շահեցան 48 քկ կշիռի մասնակից Վաղարշակ Քէյեան, 54 քկ կշիռի մասնակից Արթուր Աւետիքեան, 57 քկ կշիռի մասնակից Էրիք Առստամեան, 67 քկ կշիռի մասնակից Ալիկ Կճոյեան, 71 քկ կշիռի մասնակից Մարատ Միքայէլեան, 92 քկ կշիռի մասնակից Դաւիթ Սիմոնեան եւ 92 քիլոկրամէն վեր կշիռի մասնակից Միսաք Տեպանեան:
Արմէն Պօղոսեան եւ Նորայր Յակոբեան դարձած են արծաթէ մետա- լակիրներ, իսկ Ալպերթ Յարութիւնեան պրոնզ մետալ շահած է:
Այս մրցաշարքը եղաւ պատրաստութիւն` աշնան տեղի ունենալիք աշ- խարհի ախոյեանութեան մրցումներուն: