Գարեգին Բ-ի դիւանապետը ապօրինի թմրանիւթ ցանել տուած է բողոքողի մը պայուսակի մէջ, այնուհետեւ՝ կանչել տուած ոստիկանութիւն
Posted on May. 3. 2020
ԱԲՕ ՉԱՓԱՐԵԱՆ
Գործադիր Հրատարակիչ
եւ Գլխաւոր Խմբագիր՝
«ՀԱՅ ԿԵԱՆՔ»-ի եւ
USA Armenian Lifeի
Ամենայն Հայոց Կաթողիկոսի գահ բարձրանալէն ի վեր, Գարեգին Բ-ն եւ անոր հայրապետական վարչակազմը նոերգրաււած է անձնական սկանդալներու մէջ:
Ապրիլի 26-ին, Երեւանի մէջ, «Նոր Հայաստան, Նոր Կաթողիկոս» շարժման Հայաստանի մէջ առաջատար անդամներէն՝ Գէորգ Եազըճեան գրած է ուշագրաւ զեկոյց մը:
Զեկոյցը ցոյց կուտայ, որ դեռեւս 2018 թուականի Յուլիսին Գարեգին Բ-ի զինակից եւ աշխատակազմի ղեկավար / Սուրբ Էջմիածնի կաթողիկոսութեան դիւանապետ՝ Արշակ եպիսկոպոս Խաչատրեան հրամայած իրեն ենթականերուն ապօրինի թմրանիւթեր ցանել ցուցարարի մը մէջքի պայուսակի մէջ, այնուհետեւ կանչել տալով ոստիկանութիւնը:
Եազըճեանի զեկոյցը ուղարկուած է Հայաստանի Հանրապետութիւն Վարչապետ Նիկոլ Փաշինեանին, Հայաստանի Հանրապետութեան Քննչական Կոմիտէին, ՀՀ Ոստիկանութեան, Հայաստանի Հանրա-պետութեան Ազգային ժողովի Փոխ-Նախագահ Ալէն Սիմոնեանին եւ Հայաստանի Հանրապետութեան կառավարութեան:
Ըստ տեղեկագրութեան, դէպքը տեղի ունեցած է 2018ի Յուլիսի 8-ի կէսօրեն ետք, Սուրբ Էջմիածնի դիւնապետի աշխատասենեակին մէջ: Էջմիածինը յայտնի է նաեւ Վաղարշապատ պատմական անունով: Ան կը գտնուի Արմաւիրի մարզի մէջ:
Այդ օրը, «յետմիջօրէին, (Էջմիածնի) Վաղարշապատի ոստիկանատան հեռախօսազանգ կը կատարուի, թէ Մայր Աթոռի դիւանատան շէնքում, նստացոյցի մասնակիցներուց մէկի իրերու մէջ թմրանիւթ կայ: Ոստիկանութիւնը անմիջապէս խուզարկում է այդ իրերը եւ արգելուած որեւէ բան չի յայտնաբերում: Քիչ անց՝ ոստիկանութիւնը նորից հեռախօսազանգ է ստանում նոյն բովանդակութեամբ, նորից խուզարկում է նոյն պայուսակը, եւ, ո՜վ զարմանք, պայուսակում յայտնաբերում կանեփանման մի փոքր զանգուած», կը տեղեկագրէ Եազըճեան:
«Անմիջապէս ՀՀ ոստիկանութեան Վաղարշապատի բաժնում յարուցւում է 57174118 քրէական գործը, սկսում է նախա-քըննութիւն: Ոստիկանութիւնը եւ առհասարակ ՀՀ Արմաւիրի մարզի իրաւապահ մարմինները յաջորդ օրերուն ամէն ինչ անում են գործը լղոզելու եւ ծածկելու համար: Եւ դա հասկանալի էր, որովհետեւ մարզի աւագ դատախազը Գարեգին Բ-ի եղբօրորդի Կորիւն Ներսիսեանն է,» կը նշէ Եազըճեան։
Եազըճեան յետագային հաղորդեց. «Այդուհանդերձ, պարզւում է, որ երկու անգամ ոստիկանութիւն զանգողը եղել է միեւնոյն անձը՝ Մայր Աթոռի դիւանատան աշխատակիցներուց Սեւակ սարկաւագ Տէրտէրեանը: Նստացոյցի մասնակիցներուն յաջողվեց իմանալ նաեւ, թէ Սեւակը ինքնախոստովանական ցուցմունք է տւել, որ երկու զանգերն իրեն ստիպել է կատարել դիւանապետ, քոչարեանասէր Արշակ «եպիսկոպոս» Խաչատրեանը (ի դէպ, նա յայտնի է «Պլանքաշ Սյամօ» անունով), եւ թէ իր այս արարքի համար Գարեգին Բ-ն օրեր անց առձեռն սարկաւագ Տէրտէրեանին յանձնել է 1000 տոլար պարունակով մի ծրար՝ ի նշան երախտագիտութեան: Այսքան յստակ փաստերով հանդերձ, որ կազմակերպիչը եղել է դիւանապետ Արշակ «եպիսկոպոս» Խաչատրեանը, առնուազն Գարեգին Բ-ի իմացութեամբ, Արմաւիրի մարզի իրաւապահ մարմինները, դէպքից գրեթէ 22 ամիս անց էլ «չեն կարողանումե» գործի նախաքըննութիւնն աւարտել»:
2018 Հոկտեմբերի 2-ին դիմում է ներկայացւել ՀՀ վարչապետ պարոն Նիկոլ Փաշինեանին՝ նշեալ ապօրինութեան մասին: 2018թ. Դեկտեմբերի 12-ին հաւաք կազմակերպւեց կառավարութեան շէնքի մուտքին՝ պահանջելով հանդիպել պարոն վարչապետի հետ: Վերջինիս օգնականի միջոցով նրան յանձնւեց նոյն օրւայ թուականը կրող բողոքագիրը: Այնտեղ պարոն Փաշինեանին հիշեցւում էր, որ իրեն ուղղուած մեր՝ Հոկտեմբերի 2-ի դիմում-բողոքից յետոյ էլ ՀՀ իրաւապահ մարմինները շարունակում են լղոզման նոյն վարքագիծը, աւելին՝ պատրանք են ստեղծում, թէ իբր «աշխատում են»»:
Յուսով եմ, որ Վարչապետ Նիկոլ Փաշինեանի վարչակազմը եւ Հայաստանի Հանրապետութեան իրաւապահ մարմինները կը կատարեն իրենց պետական պարտականութիւնները, Գարեգին Բ կաթողիկոսի եւ անոր կլանի կողմէ զոհուած հայոց պետութեան քաղաքացիներու հանդեպ:
Այս նորագոյն զոհը կուգայ միանալու Հայաստանի եւ նախկին սովետական տարածքի եւ սփիւռքի բազմաթիւ այլ քաղաքացիներու, որոնք զոհ դարձած են Գարեգին Բ-ի եւ անոր կլանակիցներու կողմէ:
Ապրիլի 13-ին, Հայաստանի Հանրապետութեան Ազգային Անվտանգութեան Ծառայութիւնը (ԱԱԾ-ՀՀ) մեղադրեց արք. Նաւասարդ Կճոյանին հայ գործարարի մը հետ‘ 12 միլիոն տոլար ընդհանուր գումար ապօրինի ճանապարհով մէկ այլ ձեռնար-կատիրոջ` եւս մէկ Հայաստանի քաղաքացիի խաբելու համար:
ՀՀ Ազգային Անվտանգութեան Ծառայութիւնը (ԱԱԾ-ՀՀ) «Էֆ.Պի.Այ.»-ի հայկական համազօրն է:
Գարեգին Բ-ի, Յովնան Տէրտէրեանի, Սինան Սինանեանի, Պերճ Սեդրակեանի եւ փաստաբան Ժոզէֆ Կանիմեանի կլանակից Կճոյանը կը ղեկավարէ Հայ Առաքելական Եկեղեցւոյ ամենամեծ Թեմը, որ կþընդգրկէ Էջմիածինը, Երեւանը եւ Արարատի մարզի հարաւային շրջանը։
Հայաստանի եւ Սփիւռքի բազմաթիւ հայեր խոր մտավախութիւն կը յայտնեն Գարեգին Բ-ի՝ իշխանութիւնը չարաշահելու անվերջ ծարաւի մասին եւ հարց կուտան. «Ե՞րբ պիտի աւարտի այս ամենը»: Շատեր կը պնդեն, որ Գարեգին Բ-ի եւ իր մանկապիղծ եղբօր‘ Մոսկուայի Թեմի Եզրաս Ներսիսեանի ու Լոս Անջելեսի Արեւ-մտեան Թեմի Յովնան Տէրտէրեանի ժամանակը եկած իր աւարտին», եւ որ, «բոլորը պէտք է երթան, որպէսզի Հայ եկեղեցին փրկւի ներքին մակաբոյծներէն: Գա-րեգին Բ-ի, Տէրտէրեանի եւ միւսներուն ներկայութիւնը Սուրբ խորանին վրան սրբապղծութիւն է Հայ Եկեղեցւոյ դէմ»։
Ըստ տարբեր աղբիւրներու, Հայաստանի եւ Սփիւռքի հայերու շուրջ 89% -ը դէմ է Գարեգին Բ-ին եւ կը հաւատայ, որ ան բոլշեւիկեան «Քէյ.Ճի.Պի.»ի գործակալ եղած է իր էութեամբ եկեղեցականի ծխածակոյթի տակ եւ յետագային հափշտակած է Ամենայն Հայոց կաթողիկոսի Սուրբ Գահը զարտուղի ճամբաներով եւ միջոցներով — 20 միլիոն տոլարի կաշառատւութեամբ:
1990-ականներու սկզբին՝ Խորհրդային Միութեան փլուզումէն յետոյ, Հայաստանը անկախացաւ: Սակայն, Հայ Առաքելական Եկեղեցին չյաջողեցաւ վերականգնել նախախորհրդային ժամանակաշրջանի Հայ Ազգային Եկեղական Սահմանադրութիւնը եւ անկէ բղխող այն օրէնքները, որոնք կը պաշտպանեն Հայ հաւատացեալի ժողովրդավարական իրաւունքները Հայ եկեղեցիէն ներս:
Իր քաղաքացիներու համար ազատութեան եւ մարդու հիմնական իրաւունքներու վերականգնման առումով, անկախ հայկական պետութիւնը կարեւոր քայլ կատարեց 21-րդ դարի ուղղութեամբ, սակայն Գարեգին Բ-ի, Լոս Անճելոսի Յովնան Տէրտէրեանի, Մոսկուայի Եզրասի ենթակայութեան տակ տուայտող հայ եկեղեցին՝ մի քանի քայլ ետ գնաց դէպի միջնադար:
Նախկին Խորհրդային Միութեան լուծին տակ ապրող հայ եկեղեցւոյ հաւատացեալները այնքան բախտաւոր չեղան, որքան իրենց՝ Ազատ Աշխարհի մէջ‘, դասական Հայկական Սփիւռքի մէջ ապրող եղբայրներն ու քոյրերը:
Հիմա, Սփիւռքահայերէ շատերը ընդառաջ եկած են զօրակցութիւն յայտնելու Գարեգին Բ-ի լուծի տակ ապրող իրենց եղբայրներու եւ քոյրերուն եւ անոնք կþաջակցին եկեղեցւոյ ներսը հայրենի ժողովուրդին ժողովրդավարական իրաւունքները պաշտպանող Հայ Եկեղեցւոյ բոլոր օրէնքներու վերականգնման:
Շատերը նաեւ արդարացիօրէն կ’ակնկալեն, որ յետ-թաւշեայ յեղափոխութեան Հայաստանը պաշտպանէ իր բոլոր քաղաքացիներու ԲՈԼՈՐ իրաւունքները եւ զանոնք պաշտպանէ իրենց նկատմամբ կատարուած բոլոր չարաշահումներէ՝ բոլոր հանցաւոր կլաններու, ներառեալ Գարեգին Բ-ի կողմէ:
«Երբ չի մնում ելք ու ճար …. ժողովուրդն է գտնում հնար»։