Ըմբշամարտ. Աշխարհի Ախոյեանութիւն. Վազգէն Թեւանեան Եւ Արսէն Յարութիւնեան Տիրացան Պրոնզ Մետալի Եւ Ապահովեցին Ողիմպիականի Իրենց Տոմսը
Posted on September. 29. 2023
Սերպիոյ մայրաքաղաք Պելկրատի մէջ տեղի ունեցող աշխարհի ազատ ոճի ըմբշամարտի ախոյեանութեան (ողիմպիականի համար վարկանշային) 65 քկ դասակարգի քառորդ աւարտականի մրցումներուն, Հայաստանի ներկա-յացուցիչ Վազգէն Թեւանեան ջախջախիչ յաղթանակով մը 12-2 արդիւնքով պարտութեան մատնելով ազրպէյճանցի իր մրցակիցըՀաճի Ալիեւը, ապահովեց կիսաւարտականի իր տոմսը: Եւրոպայի գործող ախոյեան Թեւանեան իր մրցումներուն սկսած էր 1-16-րդ հանգրուանէն, երբ 9-0 արդիւնքով յաղթած էր չէզոք դրօշի տակ հանդէս եկող Նուրկիւն Սքրիապինին (Պիելոռուսիա): Կիսաւարտականին սակայն, Թեւանեան դժբախտաբար 10-9 արդիւնքով պարտութիւն մը կրեց փորթօռիքոցի իր մրցակիցէն Սեպասթիան Ռիվե-րայէն:
Սակայն նկատի ունենալով, որ անոր մրցակիցը ապահովեց աւարտականի իր տոմսը, Թեւանեան իրաւունք ստացաւ պայքարելու պրոնզէ մետալին հա-
մար:
Ան յաղթելով իր մոլտովացի մրցակիցին, ոչ միայն տիրացաւ պրոնզ մետա-
լին, այլեւ այսպիսով ապահովեց «Փարիզ-2024»-ի ամառնային ողիմպիականի խաղերուն իր տոմսը:
Հայաստանի մէկ այլ ներկայացուցիչըԱրսէն Յարութիւնեան (57 քկ), իր կարգին ապահովեց «Փարիզ-2024»-ի ամառնային ողիմպիականի խաղերուն իր տոմսը: Եւրոպայի եռակի ախոյեան 23 տարեկան Յարութիւնեան, որ պրոնզ մետալին համար իր մղած պայքարին մրցեցաւ Ղազախստանի ներկայացուցիչ Մեյիրամպէկ Քարպաուի դէմ, արձանագրեց 11-0 արդիւնքով տպաւորիչ յաղթանակ մը: Այսպիսով, իր արհեստավարժ ասպարէզին ընթացքին ան տիրացաւ իր երրորդ պրոնզ մետալին աշխարհի ախոյեանութեան գծով, առաջինը` ողիմպիականի քաշային կարգին մէջ: