Խառն մենամարտի («Էմ. Էմ. Էյ.») աշխարհի երիտասարդներու ախոյեանութիւնը, որ տեղի կ՛ունենայ Ուզպեքիստանի մայրաքաղաք Թաշքենտի մէջ, շարունակուեցաւ շաբաթավերջին, երբ աշխարհի ախոյեան դարձաւ 74,8 քկ կշիռի հայ մարտիկ Սպարտակ Միքայէլեան:
Հայաստանի ներկայացուցիչը յաղթած է իր 4 մրցումներուն ալ: Անոր յաղթանակ շնորհուած է 5-րդ մրցումին ալ, երբ մրցակիցը մերժած է ռինկ ներկայանալ:
Խառն մենամարտի աշխարհի ախոյեանութեան երիտասարդներու (18- էն 20) եւ մեծերու (20 տարեկանէն վեր) մրցումներուն Հայաստան ունեցած է 9 ներկայացուցիչներ:
Աւելի քան 60 երկիրներու ներկայացուցիչներ մրցումներուն բերած են իրենց մասնակցութիւնը: Սպարտակի մրցակիցներն էին ուքրանացի Արտեոմ Օլինիք, մոնթենեկրոցի Նիքոլա Թոսքովիչ, ղազախ Երքեպուլան Մինկ- պոսին եւ տաճիկ Ճամշետ Նեմաթով (աւարտական):