Պուխարեսթ գտնուող արտաքին գործերու նախարար Արարատ Միրզոյեան ու
Ռումանիոյ վարչապետ Նիքոլաէ Չուքան միտքեր փոխանակած են նաեւ տարածաշրջանային հարցերու վերաբերեալ: Հայաստանի արտաքին գործերու նախարարը Ռումանիոյ վարչապետին ներկայացուցած է Հարաւային Կովկասի մէջ ստեղծուած անվտանգային իրավիճակը:
«Նախարար Միրզոյեանն ընդգծել է, որ Ատրպէյճանի կողմից Լաչինի մի-ջանցքի ապօրինի արգելափակումը եւ Լեռնային Ղարաբաղում ստեղծուած մարդասիրական ճգնաժամը, 2020թ. Նոյեմբերի 9-ի եռակողմ յայտարարութեան այլ դրոյթների կոպտագոյն խախտումները, ինչպէս նաեւ Հայաստանի Հանրապետութեան ինքնիշխան տարածքի նկատմամբ յարձակումներն ու առաւելապաշտական հռետորաբանութիւնը խաթարում են տարածաշրջանում խաղաղութիւն եւ անվտանգութիւն հաստատելու ուղղութեամբ հայկական կողմի ջանքերը», ըսուած է Արտաքին Գործերու Նախարարութեան հաղորդագրութեան մէջ:
Ընդգծուած է ուժի կամ ուժի սպառնալիքի կիրառման անթոյլատրելիութիւնը եւ բոլոր խնդիրները խաղաղութեան գործընթացի միջոցով հասցէագրելու անհրաժեշտութիւնը:
Անդրադառնալով Հայաստան-ԵՄ ընդլայնող համագործակութեան` զրուցակիցները բարձր գնահատած են ինչպէս Հայաստանի մէջ ժողովրդավարական բարեփոխումներուն եւ զարգացման օրակարգին ԵՄ աջակցութիւնը, այնպէս ալ
Հայաստան-Ատրպէյճան միջպետական սահմանին ԵՄ քաղաքացիական դիտորդական առաքելութեան տեղակայումը:
Միրզոյեան Ռումանիոյ Վարչապետին Ներկայացուցած Է Հարաւային Կովկասի Մէջ Ստեղծուած Իրավիճակը
ByAppo
Apr 13, 2023
