ԱՄՆ պետքարտուղարի քաղաքական հարցերով տեղակալ Ալիսոն Հուքերն այցելել է Հայոց ցեղասպանության հուշահամալիր: Ինչպես «Արմենպրես»–ը տեղեկանում է Հայոց ցեղասպանության թանգարան–ինստիտուտի տարածած հաղորդագրությունից, Ալիսոն Հուքերին դիմավորել է ՀՑԹԻ տնօրեն Էդիտա Գզոյանը: Բարձրաստիճան հյուրն ու նրան ուղեկցող խմբի անդամները ծաղիկներ են խոնարհել անմար կրակի մոտ, ապա շրջել հուշահամալիրի տարածքով. Հուշապատի մոտ նանք կանգ են առել Հայոց ցեղասպանության տարիներին Կոնստադնուպոլսում ԱՄՆ դեսպան Հենրի Մորգենթաուի եւ Ամերիկյան Կարմիր խաչի հիմնադիր Կլարա Բարտոնի հիշատակին նվիրված հուշաքարերի մոտ։ Հենրի Մորգենթաուն եւ Կլարա Բարտոնը զգալի դերակատարություն են ունեցել հայերին ցուցաբերվող աջակցության ծրագրերում: