Ազրպէյճանի պաշտպանութեան նախարար Զաքիր Հասանով երէկ ընդունած է երկրին մէջ Միացեալ Նահանգներու դեսպան Լի Լիթցընպըրկըրը, որ անոր ներկայացուցած է Ազրպէյճանի մէջ նոր զինուորական կցորդ գնդապետ Թերի Հեմրիքը: Այս մասին կը հաղորդէ ազրպէյճանական «Մինվալ» կայքը:
Հասանով հանդիպումի մը ընթացքին անդրադարձած է նաեւ շրջանին մէջ տիրող ռազմաքաղաքական իրավիճակին:
Հասանով ընդգծած է. «Հայաստան կը շարունակէ յարձակողական քաղաքականութիւնը Ազրպէյճանի դէմ, հակառակ ԵԱՀԿ-ի Մինսքի խմբակի համանախագահներու` Լեռնային Ղարաբաղի տագնապի լուծման ուղղութեամբ թափած ջանքերուն:
«Խաղաղ բանակցութիւնները միտումնաւոր կերպով կը ձգձգուին Երեւանի կողմէ», բողոքած է ան: