Հայրենի կրանտմասթըր Կարէն Գրիգորեան, որ իր մասնակցութիւնը կը բերէ սպանական Սանթիակօ քաղաքին մէջ ընթացող «Սանթիակօ Մասթըրզ» ճատրակի միջազգային մրցաշարքին, անոր աւարտէն մէկ հանգրուան առաջ, արդէն դարձաւ մրցաշարքի տիտղոսակիր:
Թէեւ մրցաշարքը կ՛աւարտի այսօր` չորեքշաբթի, երբ կը կատարուին, 9-րդ եւ վերջին հանգրուանի հանդիպումները, սակայն ան երէկ յաղթանակ մը արձանագրեց եւ առաւելագոյն 8 կէտէն ապահովեց 7 կէտ:
Անոր ետին երկրորդ դիրքին վրայ գտնուող մասնակիցը ունի 5,5 կէտ:
Ճատրակ. «Սանթիակօ Մասթըրզ»-ի Մրցաշարք. Կարէն Գրիգորեան Աւարտէն Մէկ Հանգրուան Առաջ Դարձաւ Տիտղոսակիր
ByAppo
Feb 27, 2020
