Կռփամարտ. Գոռ Ներսիսեան Յաղթական` Իր Կատարած Առաջին Ճակատումին
Posted on March. 17. 2020
Նախորդ շաբաթավերջին Լոնտոնի մէջ (Անգլիա) սկսաւ Թոքիօ-2020-ի ամառնային ողիմպիական խաղերուն կռփամարտի վարկանշային մրցաշարքը:
Եւրոպական խաղերու պրոնզէ մետալակիր Գոռ Ներսիսեան իր ելոյթներուն սկսաւ յաղթանակով, երբ 81 քկ դասակարգին մէջ յաղթանակ արձանագրեց չեխ Քարել Հորեսիեքի դէմ:
Հայ մարզիկը, 2-րդ ռաունտին նաք աութի ենթարկեց իր մրցակիցը: 3-րդ ռաունտին իրաւարարները դադրեցուցին այս ճակատումը, որովհետեւ Ներսիսեան վնասուածք ստացաւ:
Սակայն նկատի ունենալով, որ Ներսիսեան կէտերու զգալի առաւելութիւն մը ունէր հռչակուեցաւ այս ճակատումին յաղթականը:
Ելոյթները յաղթանակով սկսած էր նաեւ Արթուր Բազէեան (57 քկ), որ յաղթած էր Մացէյ Եոզվիքին (Լեհաստան):