Սերպիոյ մայրաքաղաք Պելկրատի մէջ տեղի ունեցող աշխարհի ըմբշամարտի բաժակի ախոյեանութեան անհատական մրցումներուն ծիրին մէջ, երէկ գիշեր տեղի ունեցած 72 քկ դասակարգի աւարտականի մրցումին յաղթականը հռչակուեցաւ Հունգարիոյ ներկայացուցիչ Պալինթ Քորպասի, որ 1-1 արդիւնքով հաւասարութիւն մը արձանագրեց Հայաստանի յունահռոմէական ոճի ըմբշամարտի հաւաքականի անդամ Մալխաս Ամոյեանի հետ:
Նկատի ունենալով, որ հունգարացին վերջինն էր, որ յաղթանակ արձանագրած էր, տիրացաւ ոսկի մետալին, իսկ Ամոյեան հանդիսացաւ փոխախոյեան:
Նշենք, որ Հայաստանի համար առաջին մետալը ապահոված էր Սլաւիկ Գաբրիէլեան, որ յաջողած էր տիրանալ պրոնզէ մետալին, 67 քկ դասակարգին մէջ:
63 քկ դասակարգին մէջ, թէեւ Գէորգ Ղարիբեան յաղթեց իր թուրք մրցակիցին` Ապտուլռահման Ալթա-նին, սակայն քառորդ աւարտա-կանին իր կատարած մրցումին պարտութիւն մը կրեց:
