08 Մարտ, 2021
«Այս պահին Հայաստանում անկայունության սցենար է իրականացվում, որի ռեժիսորները, կարծում եմ, Հայաստանում չեն, այստեղ տգետ գավառամիտ եւ ոխակալ կատարողներն են: Այդ սցենարը բեմականացվեց, բայց բացարձակ կրախ են ապրել՝ եւ՝ դրսում, եւ՝ ներսում: Բանակը չաջակցեց, եւ հեղաշրջում տեղի չունեցավ»,- այս մասին «Առաջին լրատվական»-ի հետ զրույցում նշեց քաղաքագետ Լեւոն Շիրինյանը:
«Այս գեներալների մակարդակը, որոնք այս գործի մեջ էին, զրո դուրս եկավ: Եթե գեներալները ճարպակալած չլինեին, լինեին կրթված, եթե «Իսկանդերը» ճշգրիտ աշխատեր եւ այլն, մենք պատերազմը կհաղթեինք, լավրովյան պլանը չէր աշխատի:
Խորհրդարանը պետք է իրեն հավաքի, հանձնաժողով պետք է կազմի եւ պատերազմի հետաքննությամբ զբաղվի ու պարզի, թե ինչքանով է օտար պետության կամքը կատարվել: Ո՞րն էր պատերազմի ստրատեգիան, տակտիկան, ո՞րն էր մարտական արվեստը, ո՞վ էր զորավարը, որեւէ մեկը բան հասկացա՞վ»,- նշեց Շիրինյանը՝ հավելելով, որ պատերազմի երկրորդ օրը Լավրովը հայտարարեց, որ պետք է 5+2 պլանը իրականանա, դրանով նա կարծես թե հրաման իջեցրեց, եւ դա իրականացավ:
«Դղյակներ ունեցող գեներալները մամլո ասուլիսների շքերթներ են կազմակերպում, այլ երկրներում վզներից կբռնեն, կշպրտեն, անկախ նրանից դեմոկրատիա է, թե դիկտատուրա տվյալ երկրում»,- նշեց Շիրինյանը:
Քաղաքագետի դիտարկմամբ՝ իշխանությունը կարողացավ հակաիշխանական շարժումը լուսանցք մղել. «Այդ ուժերը միայն մի ելք ունեն տեռորի դիմել, դա էլ չեն կարողանում անել… 17 ուժերը արտահերթ ընտրություններում 3 տոկոս չեն հավաքի. նրանք պետք է «թատրոնըե փակեն ու գնան տուն»:
Շիրինյանի խոսքով՝ իշխանությունը պետք է իր մեջ ուժ գտնի հայրենիքի վերաշինության գործը նախաձեռնի, բարեփոխումներ իրականացնի, երկրում օրենքը պետք է գործի եւ կարգուկանոն հաստատվի:
17 ուժերը արտահերթ ընտրություններում 3 տոկոս չեն հավաքի. նրանք պետք է թատրոնը փակեն ու գնան տուն
ByAppo
Mar 12, 2021
