ԱՐՀ. Տ. ՌԱՖԱՅԷԼ ԱՐՔԵՊԻՍԿՈՊՈՍ ՄԻՆԱՍԵԱՆ ԸՆՏՐՈՒԵՑԱՒ ՏԱՆՆ ԿԻԼԻԿԻՈՅ ԿԱԹՈՂԻԿԷ ՀԱՅՈՑ ԻԱ. ՊԱՏՐԻԱՐՔ

ՌՈՊԷՐ ԱԹԹԱՐԵԱՆ – Վատիկան
23 Սեպտեմբեր 2021-ին Արհ. Ռաֆայէլ Արք. Մինասեան դարձաւ Տանն Կիլիկիոյ Կա-թողիկէ Հայոց ԻԱ կաթողիկոս Պատրիարք ստանալով Գերերջանիկ Ռաֆայէլ Պետրոս ԻԱ Մինասեան անունը:
«Ֆրանչիսկոս Սրբազան Քահանայա-պետին կողմէ 22 եւ 23 Սեպտեմբերին Հռոմի մէջ գումարուած Տանն Կիլիկիոյ Պատրիար-քական Հայ Կաթողիկէ Եկեղեցւոյ եպիս-կոպոսներու սիւնհոդոսը, ընտրեց Տանն Կիլիկիոյ Կաթողիկէ Հայոց Պատրիարքը յանձինս Արհ. Տ. Ռաֆայէլ Արքեպիսկոպոս Մինասեանին, տիտղոսաւոր Կապադովկիան Կեսարիոյ Հայոց և Առաջնորդ Հայաստանի, Վրաստանի, Ռուսաստանի եւ Արևելեան Եւրոպայի Կաթողիկէ Հայոց: Նորընտրեալ Պատրիարքը առաւ Գերերջանիկ Ռաֆայէլ Պետրոս ԻԱ. Մինասեան անունը»։ Լուրը կը յայտարարէ Սուրբ Աթոռի Մամլոյ գրասենեակը։
Արհ. Տ. Ռաֆայէլ Արքեպիսկոպոս Մինասեանը ծնած է 24 Հոկտեմբերի 1946–ին:
1958-ին ան մտած է Զմմառի Պատրիարքական Միաբանութիւն ընծայարան, ուր ստացած է դպրոցական բարձրագոյն կրթութիւնը:
1966թ. ուղարկուած է Հռոմի քահանայապետական Լևոնեան հայ վարժարան եւ աշակերտած է քահանայապետական Գրիգորեան համալսարանին մէջ, ուր ստացած է փիլիսոփայութեան եւ աստուածաբանութեան վկայականները: Ուսումը շարունակած է Հռոմի Սալեզեան համալսարանին ներսմասնագիտանալով գործնական հոգեբանութեան մէջ: 24 Յունիս 1973-ին Լիբանանի մայրաքաղաք Պէյրութի մէջ ձեռնադրուած է կուսակրօն քահանայ: Մինչեւ 1980 թուական ստանձնած է Պէյրութի Սուրբ Գրիգոր Լուսաւորիչ – Սուրբ Եղիա Աթոռանիստ Եկեղեցւոյ հովութիւնը: 1978-ին Նշանակուած է Լիբանանի Հայ Կաթողիկէ եկեղեցական ատեանի քարտուղար, ապա՝ եկեղեցական դատաւոր՝ մինչև 1989 թուական: 1980 – 1984թթ. ծիսագիտութիւն դասաւանդած է Պէյրութի Քասլիք Սուրբ Հոգի համալսարանում: 1983 – 1986թթ. եղած է Զալքայի (Լիբանան) Սուրբ Խաչ եկեղեցւոյ ժողովրդապետ: Անոր շնորհիւ է արդարեւ որ կառուցուած է Զալքայի Սուրբ Խաչ եկեղեցին: 1986 – 1988թթ. եղած է պատրիարքական քարտուղար: 1988 – 1990 թթ. դարձեալ անուանուած է Զալքայի Սուրբ Խաչ եկեղեցու ժողովրդապետ միաժամանակ վարելով նորակառոյց պատրիարքական վարժարանի տնօրէնի պաշտօնը:
1990 – 2006թթ. անուանուած է ԱՄՆ – ի Քալիֆորնիա նահանգի ժողովրդապետ:
Ան եղած է «Armenian Alliance» բարեգործական հիմնադրամի գլխաւոր հիմնադիր անդամներէն մէկը, որուն հովանաւորութեամբ Հայաստանի մէջ իրականացուած են բազմաթիւ մարդասիրական և բարեգործական ծրագրեր: Հայր Ռաֆայէլ Մինասեանը Կլէնտելի մէջ ձեռնարկած է Սուրբ Գրիգոր Լուսաւորիչ Հայ Կաթողիկէ եկեղեցւոյ կառուցումը, որուն օծումը տեղի ունեցած է 2001թ.՝ ի յիշատակ Հայաստանի մէջ Քրիստոնէութեան ընդունման 1700-ամեակին:
2005թ. Սեպտեմբերին Ամենապատիւ Ներսէս Պետրոս ԺԹ. Կաթողիկոս Պատրիարքը Ռաֆայէլ վրդ. Մինասեանը կ՛անուանէ պատրիարքական Փոխանորդ Երուսաղեմի և Ամմանի Փոխանորդութեան:
2005թ. Ան Իտալիոյ մէջ կը հիմնէ «Տելէ Փաչէ Արմենիա» պատկերասփիւռային կայանը:
2009թ. Երուսաղէմի Հայ Կաթողիկէ համալիրին մէջ գտնուող Քրիստոսի Խաչի ճանապարհի 4 –րդ կայանի մէջ, Հայր Ռաֆայէլը հաստատած է Սուրբ Հաղորդութեան մնայուն երկրպագութիւնը, որուն շարունակականութիւնը ապահովուած են Սուրբ Պօղոսի Միաբանութեան քոյրերը:
24 Յունիս 2011-ին Պենետիկտոս ԺԶ. Սրբազան քահանայապետի յատուկ պապական կոնդակով Հ. Ռաֆայէլ Մինասեանն արժանացած է եպիսկոպոսական կարգի, որպէս նորանշանակ Տիտղոսաւոր Արքեպիսկոպոս Կապադովկիան Կեսարիոյ Հայոց և Առաջնորդ Հայաստանի, Վրաստանի, Ռուսաստանի և Արևելեան Եւրոպայի Կաթողիկէ Հայոց:
Եպիսկոպոսական ձեռնադրութիւնը տեղի ունեցած է 16 Յուլիս 2011–ին Պէյրութի Սուրբ Գրիգոր Լուսաւորիչ – Սուրբ Եղիա Աթոռանիստ եկեղեցւոյ մէջ ձեռամբ Ամենապատիւ Ներսէս Պետրոս ԺԹ Կաթողիկոս Պատրիարքին, ներկայութեամբ Վատիկանի Արևելեան Եկեղեցիներու Ժողովի կառավարիչ Վսեմաշուք Կարդինալ Լէոնարտօ Սանրրիին:
7 Օգոստոս 2011–ին Շիրակի մարզի Արևիկ գիւղի Ս. Գրիգոր Լուսաւորիչ եկեղեցւոյ մէջ տեղի ունեցաւ Հայր Ռաֆայէլ Արքեպս Մինասեանի Գահակալութեան արարողութիւնը:
23 Սեպտեմբերի 2021-ին Արհ. Ռաֆայէլ Արք. Մինասեանը դարձաւ Տանն Կիլիկիոյ Կաթողիկէ Հայոց ԻԱ. կաթողիկոս Պատրիարք առնելով Գերերջանիկ Ռաֆայէլ Պետրոս ԻԱ. Մինասեան անունը։