Միացեալ Նահանգներու քոնկրեսական Պրենտա Լորընս խստօրէն դատապարտած է Ազրպէյճանի կողմէ Լաչինի միջանցքին երկայնքով Արցախի դէմ զինուորական ճնշումի կիրարկումը: «Արմէնփրես»-ի հաղորդումովքոնկրեսականը այս մասին գրառում կատարած է «Թուիթըր»-ի վրայ:
«Ես արտաքին գործոց նախարարութիւնը կը յորդորեմ կիրարկելու դիւանագիտական որեւէ գործիք կանխարգիլելու համար նման յարձակումը», նշած է ան:
Յիշեցնենք, որ 3 օգոստոսի ժամը 9:00-էն սկսեալ ազրպէյճանական բանակի ստորաբաժանումները կոպտօրէն խախտելով զինադադարը, թիրախաւորած էին Արցախի պաշտպանութեան բանակի մարտական դիրքերն ու զօրամասերէն մէկուն մշտական տեղակայման վայրը` բացի տարբեր տրամաչափի զինատեսակներէն կիրարկելով նաեւ ականանետեր, նռնականետեր եւ հարուածային անօդաչու թռչող սարքեր, այդ պատճառով ալ երկու հայ զինուորներ նահատակուած են եւ 19 ուրիշներ տարբեր աստիճանի վիրաւորումներ ստացած:
Քոնկրեսական Լորընս Կոչ Կ՛ուղղէ Դիւանագիտական Որեւէ Գործիք Կիրարկելու` Արցախի Վրայ Յարձակումը Կանխարգիլելու Համար
ByAppo
Aug 18, 2022
