ՈՎ ՀԱՅ ԺՈՂՈՎՈ՛ՒՐԴ

Գրեց՝ Առլեն Շահվերդյան

Դու պիտի տրվես անձնազո՛հ գործի

Եվ պիտի ուղղե՛ս մեջքդ կորացած,

Աշխատես երկա՛ր, անտրտո՛ւնջ ու ձի՛գ,

Որ դառնաս հզո՛ր, բոլորին հաղթա՛ծ:

Պիտի չընկրկե՛ս, երբ ծանր է լինում

Ու պիտի դիտես գալիքդ՝ դարո՜վ,

Ո՛ւժն է իրավունք ծնում աշխարհում

Եվ ուժեղի դեմ թո՛ւյլ է մեղավոր:

Հանուն ազգային նպատակների

Եվ Հայրենիքի շենացման համար

Պիտի քո անխոնջ ջանքերով էլի՛,

Մշտապես կռես փա՛ռքը քո անմար:

Ուրեմն միասին՝ ի գո՛րծ և ի զե՛ն,

Որ համախմբված երկի՛ր զորացնենք,

Որ ապագայում մեր դիմաց կզե՛ն

Հարգե՛ն ու ձգվե՛ն, երբ կողքով անցնենք:

Առլեն Շահվերդյան

Ռազմահայրենասիրական ոգին բա՛րձր պահենք:

#գրող, #բանաստեղծ, #պոեզիա, #Հայրենիք, #Հայաստան, #Արցախ

_________________