Հայաստանի ֆութպոլի ազգային խումբը երկու բարեկամական միջազգային մրցումներ ունի կատարելիք 4 եւ 7 յունիսին, յաջորդաբար Սլովենիոյ մէջ եւ Ղազախստանի դէմ, Երեւանի մէջ:
Հայաստանի ազգային խումբի մարզիչ Ալեքսանտր Փեթրաքով հրապարակեց իր ընտրած մարզիկներու ցանկը` հետեւեալ ձեւով.
ԲԵՐԴԱՊԱՀՆԵՐ.- Օկնյեն Չանչարեւիչ (Նոա), Արսէն Բեգլարեան (Արարատ – Արմենիա) եւ Սթանիսլաւ Պուչնեւ (Փիւնիկ):
ՅԵՏՍԱՊԱՀՆԵՐ.- Վարազդատ Հարոյեան (Քինկրաօ Ուեսթ Քոսթ, Չինաստան), Նայիր Թիքնիզեան (Լոքոմոթիւ, Մոսկուա), Ստեփան Մկրտչեան (Օսիեք, Խրուաթիա), Կամօ Յովհաննիսեան (Արարատ-Արմենիա), Կիորկի Արութիւնեան (Կրասնոտար, Ռուսիա), Անդրանիկ Յակոբեան (Վալենսիա 19-էն վար, Սպանիա), Դաւիթ Դաւիթեան (Փիւնիկ), Էրիք Սիմոնեան (Ուրարտու), Սերկէյ Մուրատեան (Նոա) եւ Էտկար Գրիգորեան (Արարատ-Արմենիա):
ՄԻՋՆԱՊԱՀՆԵՐ-ՅԱՌԱՋԱՊԱՀՆԵՐ.- Էտուարտ Սփերձեան (Կրասնո- տար, Ռուսիա), Տիգրան Աւանեսեան (Պալթիքա Ռուսիա), Էտկար Սեւիկեան (Ֆերենքվարոշ, Հունգարիա), Վահան Պիչաքչեան (Փոկոն-Լեհաստան), Արտակ Տաշեան (Փիւնիկ), Յովհաննէս Յարութիւնեան (Փիւնիկ), Սոլոմոն Ուտօ (Փիւնիկ), Գէորգ Տարաքճեան (Ուրարտու), Ժիրայր Շաղոյեան (Արարատ- Արմենիա), Արթուր Սերոբեան (Արարատ-Արմէնիա), Գոռ Մանուէլեան (Նոա) եւ Արթուր Միրանեան (Նոա):
Նշենք, որ Հրանդ-Լէոն Ռանոս, Անտրէ Չալիշիր, Նարեկ Գրիգորեան եւ Ուկուչուքվու Իվու վիրաւոր ըլլալնուն պատճառով նկատի չառնուեցան: Լու- կաս Զելարայեան այս անգամ պիտի բացակայի, որովհետեւ պէտք է մեկնի Արժանթին` անձագիրի հարցերով:
Նորպերթօ Պրիասքօ-Պալեքեան իր ակումբին հետ մրցում ունի եւ կարելի չէ իր ներկայ գտնուիլը, մինչ Սարգիս Ադամեան «Պունտըսլիկա»-ի կանուխ պատրաստութիւններու բանակում մը ունի կատարելիք Քէօլնի հետ: