Պետական եկամուտներու կոմիտէն հաղորդեց, որ հայ-թրքական սահմանի Մարգարայի անցակէտի հիմնական նորոգութիւնը ամբողջութեամբ աւարտած է 2023ի Նոյեմբերին:
Աշխատանքները տեւած են շուրջ 6 ամիս: Կը նշուի, որ այստեղ պետական սահմանային հսկողութիւնը նախատեսուած է իրականացնել ինչպէս Հայաստանի միւս անցակէտերերուն մէջ՝ «մէկ պատուհան» համակարգով:
Կառուցուած են սպասարկման սրահ, խոր զննման ընդարձակ սրահ, բեռներու ձեւակերպման համար նախատեսուած տաղաւարներ եւ պահեստ, կառատուներ, ընդարձակ հրապարակ եւ միջազգային չափանիշներուն համահունչ այլ ենթակառուցուածքներ:
ՊԵԿի նախագահ Ռուստամ Բադասեան 23 Մայիսին անցակէտին մէջ հիւրընկալեց Հայաստանի մօտ Եւրոպական Միութեան դեսպան Վասիլիս Մարակոսը, անոնք միասին շրջագայեցան տարածքին մէջ:
Դեսպանը գոհունակութիւն յայտնեց անցակէտին մէջ իրականացուած աշխատանքներուն համար: