Հենրիխ Մխիթարեան եւ Մանուէլ Աքանճի Ինթեր Միլանի պահեստի աթոռ- ներէն ելլելով դաշտ ներկայացան շաբաթ օրԼեչէի դէմ մրցումին, երբ Ինթեր կը ձախողէր կոլ նշանակել: Երկու մարզիկներն ալ լաւ ելոյթ չէին ունեցած «Չեմփիընզ լիկ»-ի մրցու- մին Պոտօ Կլիմթի դէմ: Մխիթարեան երկու խօսք խօսեցաւ Աքանճիի հետ դաշտ ներկայանալէ առաջ` նշելով. «Միշտ պատրաստ պէտք է ըլլաս, երբ դաշտ ներկայանաս»: Հետաքրքրականը այն է, որ նոյն զոյգը նշանակեց Ինթերի երկու կոլերը, որոնց շնորհիւ Ինթեր 2-0 արդիւնքով յաղթեց եւ 10 կէտով հեռացաւ Ա. Սէ. Միլանէն (ժամանակաւորապէս): Ինթերի հետ այս կոլը Մխիթարեանի երկրորդն էր այս տարեշրջանին, եւ ան ոչ միայն Ինթեր Միլանի պատմութեան 5-րդ ամէնէն տարեց կոլ նշանակող մարզիկն է, այլ եղաւ այս տարեշրջանի «Սերի Ա.»-ի 6-րդ ամէնէն տարեցը: Լուքա Մոտրիչ (40 տարեկան, 5 ամիս եւ 4 օր), Ճէյմի Վարտի (38 տարեկան, 11 ամիս եւ 28 օր), Փետրօ (38 տարեկան, 6 ամիս եւ 11 օր), Խու- ան Քսատրատօ (37 տարեկան, 4 ամիս եւ 28 օր) եւ Նեմանիա Մաթիչ (37 տարեկան, 3 ամիս եւ 23 օր) աւելի երէց են, քան Մխիթարեան (37 տարեկան եւ 1 ամիս):
