Ստորեւ կը ներկայացնենք 2026թուականի 20 Փետրուարի USA ARMENIAN LIFE հեռուստատեսայինհաղորդաշարինարտ աթագրուած«թեքսթ»ը՝ «ԱՄՆ Հայ Կեանքիգլխաւոր խմբագիր Աբօ Չափարեանիհիւրն է ՀՀ վարչապետիաշխատակազմիղեկավարԱրայիկՅարութիւնեանը»։

Եթէ կը ցանկաքստանալ USA ARMENIAN LIFE TV-ի YouTube-ի յղումըէլեկտրոնայինփոստով, կը խնդրենք ե-նամակ (email) ուղարկել usarmenianlife@gmail.com ելեկտրոնային հասցէինկամհեռաձայնել 818-241-5777 եւ փոխացնեցէ՛ք Ձեր անունը, ազգանունը, հեռախօսիթիւը եւ ելեկտրոնային հասցէն

ԿԵԱՆՔ Շաբաթաթերթի եւ USA ARMENIAN LIFE-ի միացեալտպագիրտարբերակին, փոխանցեցէ՛ք Ձեր տան, գրասենեակիկամփոստարկղիհասցէն usarmenianlife@gmail.com ելեկտրոնային հասցէովկամհեռաձայնելով 1-818-241-5777։ 

ԱԲՕ ՉԱՓԱՐԵԱՆ. Բարեւ ձեզ։ Այսօրուայ իմ զրուցակիցն է Հայաստանի Հանրապետութեան վարչապետի աշխատակազմի ղեկավար պարոն Արայիկ Յարութիւնեանը, որ վերջերս վարչապետիգլխաւոր խորհրդական տիկին Լիլիթ Մակունցի հետ ժամանեց հարաւային Քալիֆորնիա եւ յատկապէս Լոս Անճելըս։ Բարի եկած էք, պարոն Յարութեան։

ՀՀ ՎԱՐՉԱՊԵՏԻ ԱՇԽԱՏԱԿԱԶՄԻ ՂԵԿԱՎԱՐ ԱՐԱՅԻԿ ՅԱՐՈՒԹԻՒՆԵԱՆ. Բարեւ ձեզ։

ԱԲՕ ՉԱՓԱՐԵԱՆ. Ձեր այցելութեանհիմնականնպատակը ի՞նչ է։ Կարելի՞ է մեր հեռուստադիտողներուն հետ կիսուիքայդմասին։

ԱՐԱՅԻԿ ՅԱՐՈՒԹԻՒՆԵԱՆ. Ի հարկէ։ Նախ ես ողջունում եմ ձեր հեռուստադիտողին եւ ուզում եմ ասել, որ միշտ սիրով եմ հիւրընկալւում Լոս Անճելըսում։ 

Ձեզ էլ շնորհակալութիւն եմ յայտնում հրաւէրի համար։

Այցելութեան նպատակները մի քանիսն են։ Մենք նկատում ենք, որ հարաւային Քալիֆորնիայից, Լոս Անճելըսից բաւական մեծ, էսպէս նեկաթիւ ինֆորմացիա է գալիս դէպի Հայաստան, որը չի համընկնում այն իրողութիւնների հետ, որ կայ Հայաստանում։ Եւ մենք, իմ գործընկերոջ հետ ցանկացանք այցելել այստեղ, պատմելու թէ Հայաստանում ինչ է տեղի ունենում, եւ ըստ էութեամբ պայքարելու այդ ապատեղեկատուութեան դէմ։

Սա բնորոշ չի միայն Հայաստանին կամ հայկական միջավայրին։ Մետիաների զարգացման այս փուլում ապատեղեկատուութիւնը շատ մեծ է եւ պէտք է գործուն քայլեր ձեռնարկել, ապատեղեկատուութեան դէմն առնելու համար։ Եւ դրա լաւագոյն միջոցը արուած աշխատանքիմասին խօսելը եւ իրողութիւնների մասին շատ խօսելը, որը կը թուլացնի ապատեղեկատուութիւնը, չենք կարող ասել որ կը վերացնի, բայց կը թուլացնի։ Եւ այդ է նպատակը որ եկել ենք։

Եւ երկրորդ նպատակը, եւ կարեւորներից մէկը, որ վերջերս Հայաստանի եւ Միացեալ Նահանգների յարաբերութիւնները իր պատմական զարգացման ընթացքում ամենաբարձր մակարդակի վրայ են եւ մենք յոյսով ենք դեռ զարգանալու տեղ ունենք, եւ վստահ ենք որ ունենք։ Պատմելու դրա մասին, թէ ինչ է տեղի ունենումնաեւ Հայաստանի-Միացեալ Նահանգներ յարաբերութիւններում։

ԱԲՕ ՉԱՓԱՐԵԱՆ. Շնորհակալ ենք որ մեր հրաւէրը ընդունեցիք։ Պարոն Յարութիւնեան, նախ եւ առաջ ողջունելի է, որ այսպիսի քայլի դիմեցիք եւ ժամանեցիք Լոս Անճելըս, այն կարեւոր նպատակների համար, որ դուք արդէն նշեցիք։

Լոս Անճելըսի մէջ պէտք է ըսել որ ամերիկահայութեանջախջախիչմեծամասնութիւնըայդաղմկարարվայնասունբարձրացնողշրջանակներինհետեւորդչեն։ Եւ ուրախեմ որ ձեր ներկայութեամբարդէնականատեսկ҆ըլլաք եւ ես երէկականատեսեղայ նաեւ այնհաւաքոյթին, որ ի մի բերածէր մօտաւորապէս 125-150 լոսանճելըսահայեր, որոնքբաւականինհետաքրքիրհարցապնդումներովհանդէսեկան։ Ի՞նչ էր ձեր երէկուայտպաւորութիւնըայդհանդիպման։

ԱՐԱՅԻԿ ՅԱՐՈՒԹԻՒՆԵԱՆ. Նախ շատ զարմացած էի մարդաշատութեամբ եւ շատ շնորհակալութիւն եմ յայտնում այդ մարդկանց, որ այցելեցին այդ քննարկմանը։ 

Տպաւորութիւն ունեմ որ հետաքրքրութիւնը շատ մեծ է, զարգացումների նկատմամբ եւ հիմնական տպաւորութիւնս այն է, որ այստեղի մեր հայրենակիցները լաւ առումով մտահոգուած են թէ ինչ է տեղի ունենում Հայաստանի Հանրապետութիւնում եւ ամէն ինչ անում են իրենք իրենց կողմից, որպէսզի մեր պետականութիւնը եւ ինքնիշխանութիւնը ամրապնդուի եւ հիմնական հարցադրումը այն էր, որ Հայաստանի իշխանութիւնները թոյլ չտան այսպէս օտարերկրեայ ազդեցութիւնների տակ գտնուող ուժերին խաթարել այն դրական գործընթացները, որոնք կան Հայաստանի Հանրապետութիւնում, թոյլ չտալ, որպէսզի նրանք կասկածի տակ դնեն մեր պետականութիւնն ու ինքնիշխանութիւնը եւ նաեւ չխանգարեն խաղաղութեան գործընթացին, որը եւ մեր, եւ մեր այստեղի հայրենակիցների համոզմամբ մեր երկրի զարգացման գլխաւոր գրաւականն է։

Եւ ըստ էութեան հաստատուած խաղաղութեան դէմ բոլոր մարտընչողներին այսպէս քաղաքական առումով ցոյց տալ իրենց տեղը, եւ նաեւ շատ էին կոչերը, որպէսզի պետութիւնը շատ աւելի խիստ միջոցներ ձեռնարկի նման թենտենցները թոյլ չտալու համար։ Ինչ վերաբերւում է ջախջախիչ մեծամասնութեանը, այո, ես տեսնում եմ որ շատ մեծ ընդունելութիւն կայ Լոս Անճելըսում։

Ես այս բոլոր օրերին քայլել եմ, զբօսնել եմ Կլէնտէյլում եւ ի հարկէ ես ամէն տարի գալիս եմ, լինում է տարին երկու անգամ եմ գալիս Լոս Անճելըս, բայց այնպիսի ընդունելութիւն որ այս վերջին անգամկայ, զարմանալի է, բայց չի եղել դրական առումով։ Փողոցում ողջունում են, խօսում են, աջակցութիւն են յայտնում, ողջոյն են փոխանցում վարչապետին, սա շատ հաճելի է եւ կարծում եմ որ այս թենտենցները կը շարունակուի եւ դրան նպաստում է ի հարկէ խաղաղութիւնը, որ հաստատուած է եւ Միացեալ Նահանգների հետ յարաբերութիւնների այս մակարդակը։

ԱԲՕ ՉԱՓԱՐԵԱՆ. Ընդդիմութիւնըկամայսպէս կոչուած ընդդիմութիւնըյաճախ կը բարձրաձայնէայնպիսիկէտերիշուրջ, որ իբրեւ թէ վարչապետ Փաշինեանըհողատու է, իբրեւթէ թրքական եւ ատրպէճանականշահերին կը սպասարկէ, ի՞նչ էր ձեր կեցուածքըայդառթիւ։

ԱՐԱՅԻԿ ՅԱՐՈՒԹԻՒՆԵԱՆ. Դէ այդ, այդպէս ընդունուած ձեւակերպումներ են, ընդ որում այդ ձեւակերպումները կիրառելի են եղել մեր ամբողջ պատմութեան ընթացքում։ Ես ըստ էութեան 96 թուականից շատ քաղաքական շարժումների եմ մասնակցել եւ նաեւ քաղաքացիական շարժումների, եւ այս ձեւակերպումները, այս խօսոյթը միշտ եղել է տարբեր կողմերից, այն դէպքում, երբ որ դու տրամաբանօրէն չես կարողանում զարգացումները բացատրես, սկսում ես վիրաւորել։ Սկսում ես վիրաւորել այսպիսի ձեւակերպումներով։

Վարչապետ Փաշինեանը կարծում եմ իր գործով է ապացուցել նուիրուածութիւնը երկրին, պետութեանը, ամէն կերպ, ամէն ջանք գործադրելու, որպէսզի ապահովուի երկրի յարատեւութիւնըեւ ես կարող եմ վստահօրէն հիմա ասել, որ այս պահին՝ 2026 թուականի այսօր փետրուարի 19ն է, Հայաստանը աւելի անկախ, պետականութիւնը աւելի ուժեղ երբեւէ չի եղել մեր ողջ պատմութեան ընթացքում։

Թւում է թէ նախորդ տարիներին, կամ 10 տարի առաջ, 20 տարի առաջ յարաբերական անդորր կար, բայց դա թուացեալ էր եւ իրական Հայաստանի գաղափարախօսութիւնը, որ հիմա հաստատւում է Հայաստանում, միտուած է հենց դրան, որպէսզի մենք բոլոր ջանքերը գործադրենք երկրի յարատեւութիւնը ապահովելու եւ վարչապետ Փաշինեանի բոլոր գործով եւ նրա կառավարութեան բոլոր գործողութիւնները միտուած են դրան։ Այդ ձեւակերպումները, կարծում եմ, որ 26 թուականի յունիսի 7ի ընտրութիւններից յետոյ զգալի կը նուազեն, որովհետեւ նման խօսոյթով հանդէս եկող ուժերը շատ լուրջ խնդիրներ են ունենալու եւ նրանց մի մասը նոյնիսկ չի անցնելու խորհրդարան։

ԱԲՕ ՉԱՓԱՐԵԱՆ. Շատ կարեւոր կէտ մը ձեր մատը վրան դրիք, որ պէտք է ըսել, որ լայնատարած է այն բողոքը հայրենակիցներու մօտ, որոնք կ҆ըսեն ինչո՞ւ այսպիսի հասարակութիւն թոյլ տուած է կեղծ ընդդիմութեան առկայութեան խորհրդարանէն ներս եւ գալիք 2026ի այս տարուայ յունիսի 7ի համապետական ընտրութիւններուն արդեօք ինչպիսի՞ հնարաւորութիւններ կան, որ հայկական պետականութիւնը օժտուի պետականութեան հաւատարիմ ընդդիմութեամբ եւ ոչ թէ օտարերկրեայգործակալ կամ դաւաճանական, քիչ մը բառը ծանր է օգտագործելու համար, բայց փաստօրէն ժամանակը ցոյց տուած է շատերու համար, որ ներկայ, այսպէս կոչուած ընդդիմութիւնը կեղծ ընդդիմութիւն է։ Ի՞նչ է ելքը 2026ի ընտրութիւններուն ինչպիսի՞ հնարաւորութիւններկան, որ իրական, ռէալպետականութեանհաւատարիմընդդիմութեամբփոխարինուինայս կեղծընդդիմութեանը։

ԱՐԱՅԻԿ ՅԱՐՈՒԹԻՒՆԵԱՆ. Դէ դա իշխանութեան որոշելիքը չի։ Դա մեր հանրութեան որոշելիքն է։ Ես կարծում եմ որ մեր հանրութիւնը բաւարար չափով յոգնել է այդպիսի ընդդիմութիւնից եւ իշխանութեան համար էլ իրականում շատ մեծ խնդիր է ունենալ այդպիսի ոչ քոնսթրուքթիւ ընդդիմութիւն։ Որովհետեւ ընդդիմութիւնը իշխանութեան մի մասն է։ Եւ լաւ ընդդիմութիւնը ուժեղացնում է ոչ թէ իշխանութեանը, այլ ուժեղացնում է պետութեանը։ Որովհետեւ եթէ ընդդիմութիւնը ուժեղ է եւ քոնսթրուքթիւ առաջարկներ է անում, նա դրդում է իշխանութեանը գործողութիւնների, լաւ գործողութիւնների, ի նպաստ պետութեանը։ Եթէ այդ իշխանութիւնը կարողանում է այդ լաւ գործողութիւնները անել, շանս է ստանում յաջորդ ընտրութիւններին նորից վերընտրուելու։ Եթէ այդ իշխանութիւնը ի վիճակի չէ այդ գործողութիւնները անելու, յաջորդ ընտրութիւններին իշխանութեան է գալիս ընդդիմութիւնը, որը այդ քայլերը առաջ է քաշում եւ իր ծրագրերը առաջ է քաշում։

Փառք Աստուծոյ, որ այս իշխանութիւնը ապացուցել է, որ 18 թուականից ի վեր մեզ մօտ ընտրութիւնները չեն կեղծւում եւ հետեւաբար ժողովուրդը իր այսպէս ասած վճիռը պէտք է կայացնի, ով լինի իշխանութիւն եւ ով լինի ընդդիմութիւն։ 21 թուականին նոյն ժողովուրդը վճռել էր, որ Քաղացիական Պայմանագիրը պէտք է լինի իշխանութիւն եւ միւս երկու քաղաքական ուժերը լինեն ընդդիմութիւն։ Հիմա վստահ եմ, որ ժողովուրդը տեսել է ընդդիմութեան աշխատանքն էլ, իշխանութեան աշխատանքն էլ եւ իր որոշումը կը կայացնի յունիսի 7ին, իր որոշումը նաեւ ընդդիմութեան մասով կը կայացնի, թէ ուզում է որ այս ընդդիմութիւնը լինի, թէ այլ ընդդիմութիւն լինի խորհրդարանում։

ԱԲՕ ՉԱՓԱՐԵԱՆ. Ընդդիմութիւնը, այսօր այսպէս կոչուած ընդդիմութիւնը կը պնդէ, որ Փաշինեանի վարչակազմը բեմադրած է Արցախի յանձնումը։ Սա կարեւոր ծանր ամբաստանութիւն մըն է, թէ ինչպիսի բացատրութիւն, պարզաբանում կարող էք կատարել այդ մասին։

ԱՐԱՅԻԿ ՅԱՐՈՒԹԻՒՆԵԱՆ. Դէ, իշխանութեան գործողութիւնները եղել են բոլորի աչքի առաջ եւ առնուազն 44օրեայ պատերազմի վերաբերեալ իր կարծիքը ժողովուրդը յայտնել է 21 թուականի ընտրութիւններում։ Ակներեւ է նաեւ որ այս իշխանութիւնը հսկայական աշխատանք է կատարել Ղարաբաղի համար։ Միայն այն ֆինանսական յատկացումները որ եղել են մեր կառավարման 5 տարիների ընթացքում, անգամներով աւել են եղել, քան նախորդ ժամանակահատուածում, այսպէս ասած ղարաբաղեան կլանի կողմից յատկացուած միջոցներից։ Եւ ամէնը արել է որպէսզի այդ հանգուցալուծումը լինի ի նպաստ Ղարաբաղի ժողովուրդի եւ կարծում եմ որ այդ մեղադրանքները այսպէս քաղաքական աճպարարութիւնների դաշտից են, որովհետեւ նաեւ պէտք է ֆիքսել որ ղարաբաղեան հարցի հանգուցալուծումը տեղի չի ունեցել մեր իշխանութեան 2-3 տարիների ընթացքում։ Դա երկարատեւ գործընթացի հետեւանք է եղել, որը ցաւօք սրտի, հանգուցալուծուել է 20 թուականին եւ 23 թուականին, եւ այս տրամաբանութեան մէջ պէտք է նայել։ Նորմալ մասնագէտը, փորձագէտը, քաղաքական գործիչը այդպիսի յայտարարութիւններ չի անի, եւ դա քաղաքական պայքարի, ցաւօք սրտի, հնարքներից մէկն է, որ կիրառւում է, բայց կարծում եմ որ այն ընդունելութիւնը, նոյն խաղաղութեան գործընթացի, որ այսօր կայ մեր հասարակութեան կողմից, վկայում է այն մասին, որ հանրութիւնը այդպէս չի մտածում։ Եւ հանրութիւնը իր վճիռը նաեւ կայացրել է եւ, էլի եմ ասում յունիսի 7ի ընտրութիւններով մենք կը տեսնենք դրա արդիւնքը։

ԱԲՕ ՉԱՓԱՐԵԱՆ. Իսկ ինչ կը վերաբերի ապօրինի իւրացումներու մասին, բռնագանձման օրէնքի կիրառման։ Բազմաթիւ հայրենակիցներ, սրտացաւ հայրենակիցներ յուսախաբութիւն կը յայտնեն, թէ բռնագանձման օրէնքը լիակատար կերպով չէ գործած եւ կ҆ակնկալեն որ արագընթաց կերպով այդ միլիարդաւոր տոլարներու թալանը, որ կազմակերպած էին յատկապէս երկրորդ եւ երրորդ նախագահներու օրօք, Քոչարեանի եւ Սերժ Սարգսեանի օրօք, արդեօք ի՞նչ պէտք է կատարուի, որ այդ օրէնքը լիակատար կերպով եւ ամբողջական կերպով ըսենք արդարացնէ իր գոյութիւնը։

ԱՐԱՅԻԿ ՅԱՐՈՒԹԻՒՆԵԱՆ. Եկէք մի քիչ աւելի երկար պատասխանեմ այս հարցին, որ պարզ լինի այն տրամաբանութիւնը, որով զարգանում է այս գործընթացը։

2018 թուականի մայիսին տեղի ունեցաւ յեղափոխութիւնը եւ 2018 թուականի մայիսին մեր իշխանութիւնը կարող էր եւ ի վիճակի էր ամբողջ այդ գոյքը վերցնել այդ մարդկանցից, ում դուք ի նկատի ունէք։ Բայց դա կը լինէր չափազանց վտանգաւոր գործընթաց Հայաստանի Հանրապետութեան համար, որովհետեւ նման գործընթացները, եթէ դու կառուցում ես իրաւական պետութիւն, պէտք է տեղի ունենան իրաւական գործընթացների շրջանակներում։ Դրա համար պէտք է ձեւաւորուէին ինստիտուտներ, փոխուէին օրէնքներ, եւ ես ձեզ կարող եմ ասել, որ հիմա մենք գնացինք այդ իրաւական ճանապարհով, բարդ, երկարատեւ, որոշ դէպքերում յապաղումներով, բայց ես կարող եմ ասել, որ այդ օրէնքը հիմա լիարժէք աշխատում է։ Ինստիտուտները լիարժէք ձեւաւորուած են։ 

Կարող է մեր հայրենակիցներից քչերը գիտեն, բայց այսօր դատարաններում իրաւապահ համակարգի կողմից յայցերի փաթէթը կազմում է մօտ 1,5 միլիարդ տոլար։ Մենք դրա մի մասը արդէն վերադարձրել ենք։ Վարչապետ Փաշինեանը իր ֆէյսպուքեան էջում պարբերաբար «հատիկ առ հատիկ» հէշթէկով խորագրի ներքոյ ներկայացնում է յետ բերուող փողերը։ Դրանք երբեմն հողերը եւ գոյքերը եւ ունեցուածքը, բայց այստեղ շատ կարեւոր է, որ եթէ 2018ին մենք այդ գործընթացով վերցնում էինք, հիմա այս ամբողջը իրաւական, յստակ ձեւակերպումներով եւ օրէնքի շրջանակներում վերադարձւում է պետութեանը։ Եւ դրանք երբեմն մի քանի հարիւր հազար դրամանոց, մինչեւ մի քանի միլիարդ եւ տասնեակ միլիարդների գին ունեցող գոյքեր են։ Եւ հիմա երբ որ այս գործընթացները աւելի արագանան, մենք կը տեսնենք մի քանի հարիւր միլիոնի, 1,5 միլիարդի վերադարձուող գոյք։ Եւ դա ի հարկէ պէտք է ծառայի պետութեանը։

Եւ հիմա նոյն գործընթացները նաեւ շարունակւում են։ Այն մարդիկ, ովքեր ենթադրւում է որ ունեն ապօրինի գոյք, իրականում իրենց կառավարման տարիներին բաւականին հմտօրէն փորձել են թաքցնել այդ գոյքերը եւ իրաւապահ համակարգի համար ոչ անհնարին, բայց բաւականին դժուար է յայտնաբերել թէ դրանք որտեղ են, որովհետեւ նրանք նաեւ այդ գումարները դուրս են բերել այլ երկրներ, եւ դրանք շատ բաւականին բարդ եւ երկարատեւ գործընթացներ են, միջազգային գործընկերների, այլ երկրների իրաւապահների հետ համագործակցութեամբ յայտնաբերել դրանք եւ վերադարձնել։Օրինակ մի գործ կար Միացեալ Նահանգների հետ կապուած, որ գոյք էր մեծ գումարով գնուել Միացեալ Նահանգների տարածքում եւ համագործակցութեամբ ՄիացեալՆահանգների իրաւապահների հետ, այդ գոյքի վաճառքից ստացուած գումարը պէտք է վերադարձուի Հայաստանի Հանրապետութիւն։ Եւ այդպէս շարունակ։

Ես ուզում եմ որպէսզի մենք, այո, ունենանք ակնկալիք, բայց լինենք համբերատար այդ գործում, որպէսզի ամէն ինչ լինի իրաւական գործընթացների շրջանակներում։ Այլ բոլոր գործընթացները, այսպէս ասած՝ խլոցիները, թէկուզ լինի դա պետութեան կողմից, շատ վատ տեղ կը տանի մեր պետութեանը եւ ամէն իշխանափոխութիւնից յետոյ մենք կ҆ունենանք այդպիսի խլոցիներ։ Սա սխալ գործընթաց է եւ յետոյ յաջորդը՝ այս ինստիտուտները որ զարգանում են, իրենք չեն գործելու միայն մինչեւ 2018 թուականը տեղի ունեցող պաշտօնեաների հետ կապուած։ Դրանք 2018 թուականից յետոյ էլ աշխատած պաշտօնեաներին պէտք է ստուգեն։ Եւ ես չեմ բացառում, թէպէտ այդ թիւը վստահ եմ որ շատ քիչ է, ես չեմ բացառում որ 2018 թուականից յետոյ էլ լինեն իրավիճակներ, որ որոշ պաշտօնեաներ, թէկուզ փոքր թուով, բայց ապօրինի հարստացած լինեն։ Եւ այս ինստիտուտները պէտք է աշխատեն նաեւ նրանց համար եւ հետեւաբար, այս գործընթացները որը մենք անում ենք, մենք չենք անում մեր համար, մեր իշխանութեան համար, որովհետեւ եթէ միայն մեր իշխանութեան համար անելուց լինէինք, կ҆անէինք այդ ամէն ինչը 2018 թուականի մայիս-յունիսին եւ կ҆աւարտէին դրանով։ Մենք անում ենք յետագայ սերունդների համար, յետագայ տարիների համար, որ այս ինստիտուտները մահակի նման բոլոր պաշտօնեաների վրայ կախուած լինեն եւ իւրաքանչիւրին ասեն, որ ապօրինի հարստացման դէպքում դու պատժուելու ես, պատժուելու ես այս օրէնքով եւ այս ինստիտուտի կողմից։ Եւ սա, կը ներէք, ապացուցում է այս ամբողջը, որ մենք որեւէ մտավախութիւն չունենք՝ մեր իշխանութիւնը, որ նման գործընթացներ մեր նկատմամբ կը լինի, որովհետեւ մենք չունենք այդ բարքերը, որ եղել են մինչեւ 18 թուականը, էլի եմ ասում, այլ օղակների, որոշ պաշտօնեաների դէպքում կարող են նման գործեր յարուցուել, բայց ընդհանուր առմամբ մեր իշխանութիւնը այդ փրոպլէմը չունի։

ԱԲՕ ՉԱՓԱՐԵԱՆ. Ըստ երեւոյթին սա կարեւոր քայլ մըն է դէպի քրէա-օլիկարխիկ մշակոյթի վերացման։ Ի՞նչ է ձեր կարճ պատասխանը։

ԱՐԱՅԻԿ ՅԱՐՈՒԹԻՒՆԵԱՆ. Նախկին քրէա-օլիկարխիկ համակարգի, որովհետեւ հիմա քրէա-օլիկարխիկ համակարգ չկայ։ Դրա ողնաշարը ջախջախուել է 2018 թուականին եւ կոտրուել է առանձին կղզեակներ, առանձին հատուածներ, այո, գոյութիւն ունեն, բայց մենք էլի պէտք է գնանք այդ իրաւական գործընթացով։

ԱԲՕ ՉԱՓԱՐԵԱՆ. Իսկ ինչ կը վերաբերի օգոստոսի 8ի Ամերիկայի Միացեալ Նահանգներու եւ Հայաստանի Հանրապետութեան միջեւ շարք մը պայմանագիրներու վերաբերեալ եւ յատկապէս եռեակ համաձայնութիւնը, նախահամաձայնութիւնը, որ կը վերաբերիTRIPP-ին՝ Թրամփի ճանապարհը միջազգային խաղաղութեան եւ բարգաւաճման։

ԱՐԱՅԻԿ ՅԱՐՈՒԹԻՒՆԵԱՆ. Այդ ճանապարհի վերաբերեալ համաձայնագիրը չի վերաբերւում որեւէ երրորդ երկրի։ Դա երկու երկրների միջեւ ստորագրուած համաձայնագիր է, եւ վերաբերւում է բացառապէս Հայաստանի Հանրապետութեանը եւ Միացեալ Նահանգներին։ 

ԱԲՕ ՉԱՓԱՐԵԱՆ. Այսինքն Ատրպէյճանը ոչ մէկ մասնաբաժին չունի։

ԱՐԱՅԻԿ ՅԱՐՈՒԹԻՒՆԵԱՆ. Ոչ մի մասնակցութիւն չունի․ որեւէ երրորդ երկիր այս ծրագրի մէջ մասնակցութիւն չունի։ Բացառապէս երկու երկրների միջեւ իրականացուող ծրագիր է, իրականացւում է Հայաստանի տարածքային ամբողջականութեան, ինքնիշխանութեան եւ օրէնքների շրջանակներում եւ պատկանում է Հայաստանի Հանրապետութեանը, պարզապէս համատեղ իրականացուող ծրագիր է այնպէս, ինչպէս շատ երկրներում իրականացւում է։

ԱԲՕ ՉԱՓԱՐԵԱՆ. Իսկ ինչո՞ւ ընդդիմութիւնը կը պնդէ, յամառ կերպով կը պնդէ, որTRIPP-ը«զանգեզուրեան միջանցք»ի վտանգը ստեղծած է հայկական պետականութեան հողային ամբողջականութեանեւ սուվերենութեան հանդէպ։

ԱՐԱՅԻԿ ՅԱՐՈՒԹԻՒՆԵԱՆ. Ընդդիմութիւնը էլ ասելիք չունի։ Այդ պատճառով իրենք մանտրայի նման դա անընդհատ պէտք է կրկնեն, որպէսզի մոլորութեան մէջ փորձեն գցեն մեր հանրութեանը։ Բայց ես կարծում եմ որ մեր հանրութիւնը բաւականաչափ արդէն դիմադրողականութիւն ունի այդպիսի ապատեղեկատուութեան նկատմամբ, որովհետեւ նոյն ընդդիմութիւնը տարիներ շարունակ աղաղակում էր, որ խաղաղութեան համաձայնագիրը ամենա աննպաստն է Հայաստանի Հանրապետութեան համար։ Ինչքան վատ բան կայ գրուած է այդ համաձայնագրի մէջ։ Եւ այդ համաձայնագիրը յանկարծ հրապարակուեց, եւ ակնյայտ էր, որ որեւէ անբարենպաստ կէտ այդ համաձայնագրում չկար։ Նոյն ընդդիմութիւնը տարիներ շարունակ TRIPP-ի վերաբերեալ եւ այդ համաձայնութիւնների վերաբերեալ ասում էր, որ սա միջանցք է։ Բացում ենք փաստաթուղթը, ընդ որում փաստաթղթերը, համաձայնագրերը, յայտարարութիւնները, եւ դրա որեւէ նշոյլ չկայ այստեղ։ Եւ ի հարկէ նրանք պէտք է կամ լռեն, կամ ասեն որ մենք սխալ էինք եւ իշխանութիւնը ճիշդ է, կամ շարունակեն մոլորեցնել հանրութեանը։

ԱԲՕ ՉԱՓԱՐԵԱՆ. Իսկ ինչ կը վերաբերի ՀԷՑի՝ ՀայԷլեկտրաՑանցի հետ կապուած միջազգային արպիթրաժի դատարանէն ներս, ինչպիսի՞ պայքար մղեցին հին ռեժիմականները եւ յատկապէս Տաշիր Սամոյի կողմնակիցները եւ ի՞նչ է արդիւնքը։

ԱՐԱՅԻԿ ՅԱՐՈՒԹԻՒՆԵԱՆ. Դէ այդ գործընթացը ընթացքում է եւ իրաւական առումով հիմա կը դժուարանամ ասել, թէ այս պահին ինչ իրավիճակ է, բայց ակնյայտ է մեզ համար, որ այն որոշումը որ կայացրել է Հայաստանի Հանրապետութեան կառավարութիւնը ՀԷՑի հետ կապուած, միանգամայն ճիշդ է, որովհետեւ բացայայտուել են բազմաթիւ աղաղակող խախտումներ, յաւելագրումներից սկսած, միլիոնաւոր, տասնեակ միլիոնաւոր, եւ հարիւր միլիոնաւոր դրամների հասնող։ Գոյքի օգտագործման հետ կապուած արձանագրուել է, որ օրինակ, պետութեանը պատկանող գոյքը, որը կառավարման էր յանձնուած ՀԷՑին, գրաւադրուել է եւ այդ գումարները յատկացուել են այլ ընկերութիւնների։ Էլ չասեմ մանր մունր խուլիկանական քայլեր, որ իրականացուել են ՀԷՑի ներսում։ Մի տարածքը շատ ցածր գներով վարձակալութեան է տրուել իրենց հետ աֆիլացուած ընկերութիւններին, բայց իրենք տարածքի կարիք են ունեցել եւ գնացել են տասնեակ միլիոններով ուրիշ տեղից են վարձակալել։ Եւ սրանք բոլորը այն մարդիկ են, ռուսաստանցի օլիկարխ Սամուէլ Կարապետեանի կողմնակիցներ եւ մարդիկ, որոնք ասում են որ իրենք պատրաստ են մէկ դրամով աշխատել։ 

ԱԲՕ ՉԱՓԱՐԵԱՆ. Իսկ ինչ կը վերաբերի այն փաստին մասին, որ ընդդիմութիւնը անընդհատ կը պնդէ, որ Հայաստանի Հանրապետութիւնը իր տնտեսութիւնը օտարի վերահսկողութեան ներքոյ կը դնէ։ Ի՞նչ կ҆ըսէիք այդ մասին։

ԱՐԱՅԻԿ ՅԱՐՈՒԹԻՒՆԵԱՆ. Շատ ծիծաղելի պնդում է։ Որովհետեւ այս կառավարութիւնը այս տարիներին ամէն ինչ արել է, որպէսզի ընդհակառակը, գոյք հետ բերի եւ յանձնի ժողովուրդին։ Եւ դրանք բազմաթիւ օրինակներ են։ Բազմաթիւ օրինակներ են եւ բոլոր այն համաձայնագրերն ու պայմանագրերը, որոնք կնքւում են, ներդրում են ծրագրերի հետ կապուած, արւում են բացառապէս ի նպաստ ժողովուրդի եւ պետութեան։ Եւ եթէ այդպիսի մտադրութիւններ լինէին, առնուազն իշխանական վերնախաւի շատ ներկայացուցիչներ, փայեր, մասնաբաժիններ եւ պիզնէսներ կունենային, ինչը այդպէս չէ։ Եւ բոլոր այդ մարդիկ, ովքեր նման որոշումներ են կայացնում, աշխատում են բացառապէս իրենց աշխատավարձով, այն աշխատավարձը, որ պետութիւնը տալիս է պաշտօնեային, որպէսզի ի նպաստ պետութեան եւ հանրութեան որոշումներ կայացուեն։

ԱԲՕ ՉԱՓԱՐԵԱՆ. Ըննդիմութիւնը իր թալանած փողերով, բազմաթիւ, շատ սրտացաւ հայերու համաձայն, կրկնակի հարուածի տակ կը դնեն հայ հասարակութիւնը, Հայաստանի հասարակութիւնը, երբ իրենք կը ֆինանսաւորեն լրատուամիջոցներ, որոնք աւելի վարձկան զինուորներ են, քան թէ լիագրողներ, իսկական ժուռնալիստներ։ Ի՞նչն է լուծումը, որպէսզի լրատուական դաշտը մաքրուի Հայաստանի Հանրապետութենէն ներս։

ԱՐԱՅԻԿ ՅԱՐՈՒԹԻՒՆԵԱՆ. Մենք բոլորս գիտենք մինչեւ 2018 թուականը լրատուական դաշտը ինչ վիճակում էր։ Ըստ էութեան բոլոր ազատութիւնները, կամ ազատութիւնների մեծ մասը սահմանափակուած էր, կար շատ քիչ թուով անկախ լրատուամիջոցներ։ Դրանք հիմնականում թերթերի տեսքով էին, հեռուստաալիքները փակ էին ընդդիմադիր եւ դրանից յետոյ այս կառավարութիւնը այնպիսի գործողութիւններ արեց, որ խօսքի ազատութիւնը աննախադէպ բարձր մակարդակի բարձրացաւ։ Նոյնիսկ յանպատասխան ինտեքսներով Հայաստանում խօսքի ազատութիւնը շատ աւելի բարձր է եւ Հայաստանը շատ աւելի բարձր տեղերում է, քան եւրոպական որոշ երկրներ, եւ արեւմտեան որոշ երկրներ եւ արեւմտեան շատ երկրներ։

Հիմա մենք ամէն քայլը անելիս այդ թւում նաեւ դաշտը կարգաւորելու, այնպէս ենք փորձում անել, որպէսզի որեւէ կերպ չվնասենք խօսքի ազատութեանը։ Սա շատ բարդ գործընթաց է։ Ի հարկէ այդ ազատութիւնը շատ լրատուամիջոցներ որոնք պատկանել են նախկին իշխանութիւններին, եւ շատ լրագրողներ եւ շատ խմբագիրներ ընկալեցին որպէս սանձարձակութիւն։ Ի հարկէ այսօր տարբեր փորձագիտական շրջանակների, կառավարութեան մէջ քննարկումներ կայ թէ ինչ կարգաւորումներ մտցնել, մասնաւորապէս պարզելու համար թէ ինչ ֆինանսական աղբիւրներ ունեն այդ լրատուամիջոցները։ Ո՞ւմ կողմից են ֆինանսաւորւում։ Արդեօք դրանց մեծ մասը յայտնի նախկին օլիկարխների կողմից չեն, նախկին ապօրինի գոյքով անցնող նախկին պաշտօնեաների գրպանից չեն։ Բայց էլի այս քայլերը անելիս մենք պէտք է շատ զգոյշ լինենք, որպէսզի չվնասենք այդ համակարգին։ Բայց նաեւ, այո, իրաւացի է մեր հանրութիւնը, որ այստեղ կարգաւորումներ պէտք են, որովհետեւ նրանք մշտապէս փորձում են լարուածութեան մէջ պահել հանրութեանը, բայց մենք, կառավարութիւնը ի նկատի ունեմ, եւ հանրութիւնը պէտք է համատեղ ջանքեր գործադրենք, այդ երեւոյթների դէմն առնելու, միաժամանակ խօսքի ազատութիւնը որեւէ ձեւով չվտանգելու համար։

ԱԲՕ ՉԱՓԱՐԵԱՆ. Երէկ հանդիպման ժամանակ դուք բարձրաձայնեցիք հայրենադարձութեան մասին։ Վստահ եմ որ կարգ մը ընդդիմադիրներ պիտի ըսեն դա նախընտրական փրոփականտ է։ Բայց պէտք է նշենք, որ Հայաստանի Հանրապետութիւնը, յատկապէս երկրորդ եւ երրորդ նախագահներու օրօք յայտնուած էր ներքին պլոքատայի տակ, ներքին շրջափակման, այսինքն քաղաքացին սեփական երթիկի տակ արդէն դարձած էր տնտեսական փախստական։Ինչպիսի՞ գործնական քայլեր կ҆առաջարկէիք, որպէսզի հայրենադարձութիւնը իսկական քայլերով, ռէալ կերպով առաջ երթայ։

ԱՐԱՅԻԿ ՅԱՐՈՒԹԻՒՆԵԱՆ. Նախկինում հայրենադարձութին եզրոյթը եղել է կենացների մակարդակի։ Կենացներ։ Որովհետեւ եթէ դու երկրում հաստատել ես քրէա-օլիկարխիկ համակարգ, որտեղ չկայ արդարութիւն, որտեղ դու ամէն պահի կարող էիր մտնել որեւէ պիզնէսի տարածք եւ ասել կէսը իմն է, որտեղ քո երեխան դպրոց ուղարկելիս դու երկու անգամ աւելի էիր մտածում, արդեօք ուղարկեմ այն դասարան, որտեղ որեւէ օլիկարխի երեխայ կայ, որտեղ այդ երեխան յետագայում կարող էր վտանգ սպառնալ։ Երբ դու գնում էիր որեւէ ռեստորան, կամ որեւէ օպյէքթ եւ նայում էիր արդեօք այդտեղ կան օլիկարխների եւ պաշտօնեաների թիկնեղ շքախմբեր, որոնք կարող էին քո առողջութիւնը վնասել, ինչպէս օրինակ Պօղոս Պօղոսեանի դէպքում՝ Պապլաւոկում, այդ ժամանակ տեղի էր ունենում հսկայական արտագաղթ։ Եւ դրանք մեծ թուեր էին։

Արտագաղթ տեղի էր ունենում նաեւ մեր կառավարման տարիներին։ Չնայած այս երեւոյթները վերացած էին, բայց տեղի էր ունենում այն պատճառով, որ չկար խաղաղութիւն։ Օպյեքթիւ կամ սուպյեքթիւ պատճառներով եկէք մարդկանց որոշումները չքննարկենք կամ չքննադատենք։ Մարդիկ լքում էին Հայաստանը, որովհետեւ չկար խաղաղութիւն եւ հիմա՝ 2010 թուականից ի վեր, երբ որ դիտարկումներ են արւում եւ հաշուարկներ են արւում Հայաստանի քաղաքացիների մասով, որոնք լքում են կամ ժամանում են Հայաստան, առաջին անգամ պատմութեան մէջ մենք նախորդ տարի ունեցել ենք ներգաղթ։ Առաջին անգամ պատմութեան մէջ, մօտ 8 կամ 9 հազար մարդ Հայաստանի Հանրապետութեան քաղաքացի վերադարձել է Հայաստանի Հանրապետութիւն։ Եւ երբ որ ընդդիմութիւնը կամ մեր քննադատները ասում են սա նախընտրական քարոզչութիւն է, սա նախընտրական քարոզչութիւն չէ։ Չոր թուեր են։ Եթէ կարողանում էիք նախընտրական քարոզչութիւն անել, դուք էլ ձեր ժամանակ ներկայացնէիք դա։ Չէիք կարող, որովհետեւ այդ թուերը միայն մինուս թուով են եղել։ Այսինքն աւելի շատ մարդ լքել են Հայաստանի Հանրապետութիւնը, քան վերադարձել։ Հիմա մենք ունենք դրական սալտօ։ Եւ սա մեր քաղաքականութիւնների արդիւնքն է։

Մենք չենք կարող ասել, որ ամբողջութեամբ վերացրել ենք անարդարութիւնը կամ խնդիրները բոլոր վերացրել ենք։ Բայց մենք հաստատել ենք խաղաղութիւն, Հայաստանում հիմնականում արդարութիւնը հաստատուած է։ Ի հարկէ կան առանձին հարցեր, որոնք դեռ կարգաւորման կարիք ունեն եւ 8 տարիների ընթացքում ամբողջութեամբ բոլոր հարցերը չես կարող լուծել։ Բայց մենք ունենք ներգաղթ եւ մենք վստահ ենք, որ յունիսի 7ի ընտրութիւններից յետոյ այնպիսի իրավիճակ կը ստեղծուի, որ այդ ներգաղթը էլ աւելի կը մեծանայ։ Իմ հանդիպումների ժամանակ Լոս Անճելըսում շատ շատերը ասում են որ իրենք սպասում են յունիսի 7ի ընտրութիւններին եւ եթէ այս կառավարութիւնը շարունակի պաշտօնավարել, ապա իրենք պատրաստւում են հսկայական ներդրումներ իրականացնել Հայաստանի Հանրապետութիւնում եւ քիչ առաջ ես պիզնէս ներկայացուցիչների հետ էի հանդիպում, նրանցից մի քանիսն էլ ասեցին որ նրանք պատրաստ են ընտանիքներով վերադառնալ Հայաստան։ Եւ դա անելու են յունիսի 7ի ընտրութիւնների արդիւնքում։

ԱԲՕ ՉԱՓԱՐԵԱՆ. Պիտի չզարմանայի։ Ընդդիմութիւնը նաեւ կը սիրէ ներկայ ներ–եկեղեցական գերխնդիրը, որ իբրեւ թէ պետութիւն ընդդէմ եկեղեցի։ Ի՞նչ կ҆ըսէիք այդ մասին։

ԱՐԱՅԻԿ ՅԱՐՈՒԹԻՒՆԵԱՆ. Դէ սրան շատ ենք անդրադարձել, որեւէ հակամարտութիւն չկայ եկեղեցու եւ կառավարութեան միջեւ։ Մենք բոլորս առաքելական եկեղեցում ենք, մեզանից շատերս մկրտուած եկեղեցու հետեւորդ ենք, եկեղեցու կանոններն ու Սուրբ Գիրքը երբեմն շատ աւելի լաւ գիտենք, քան Կտրիճ Ներսէսեանին շրջապատող որոշ հոգեւորականներ եւ այստեղ խնդիրը այսպէս ասած հոգեւոր դաշտում է աւելի շատ եւ բարոյական դաշտում է, քան այլ դաշտում։ Եւ իրական Հայաստանը որ այսօր կառուցւում է եւ դա փաստ է, չի կարող գոյութիւն ունենալ այնպիսի եկեղեցով, որտեղ եկեղեցական վերնախաւը ընկղմուած է անբարոյականութեան մէջ։ Եւ ես այդ խօսքերը միշտ մէջբերում եմ, պարզապէս Յակոբ Մովսէսի խօսքերն են, ի տարբերութիւն ասում է եկեղեցու, որը չի ուզում ունենալ պետութիւն, պետութիւնը ուզում է ունենալ եկեղեցի։ Եւ մեր գործողութիւնները այս տրամաբանութեան մէջ են։

ԱԲՕ ՉԱՓԱՐԵԱՆ. Սիրուն խօսք է։ Դուք կո՞ղմ էք, որ պոլոժենիա, որ Ցարական Ռուսաստանի ժամանակներէն սկսած մինչեւ այսօր, դժբախտաբար, բռնազաւթած է Հայաստանեայց Առաքելական եկեղեցին նախկին Սովետի տարածքին եւ յատկապէս Հայաստանէն ներս։ Այսինքն, ի հակապատկեր ազատ աշխարհի մէջ գործող թեմերու, Հայաստանէն ներս թեմակալ առաջնորդները կը նշանակուին օրուան Սուրբ Աթոռը զբաղեցնող կաթողիկոսի կողմէ։ Իսկ ազատ աշխարհի մէջ ժողովուրդը, որ մաս կը կազմէ Հայաստանեայց Առաքելական եկեղեցւոյ, ժողովուրդն է որ կ҆ընտրէ թեմակալ առաջնորդը։ Դուք համաձա՞յն էք որ պոլոժենիան վերացուի եւ ժողովրդավարութիւնը վերահաստատուի Հայաստանի թեմերէն ներս։

ԱՐԱՅԻԿ ՅԱՐՈՒԹԻՒՆԵԱՆ. Ես կարծում եմ որ բոլոր այս գործընթացները եւ բարեփոխումները պէտք է քննարկուեն Կտրիճ Ներսէսեանի հեռանալուց յետոյ։ Այ այստեղ կան լուրջ խնդիրներ։ Ես ինքս ուսումնասիրել եմ։ Բայց դրանք այդ գործընթացին պէտք է յաջորդեն եւ եկեղեցականները եւ աշխարհիկները, որոնք եկեղեցական ժողովի մաս են կազմում, պէտք է քննարկեն եւ ընդունեն բարեփոխումների այն փաթեթները, որոնք կը դրուեն սեղանին։ Եւ այդ տրամաբանութեան մէջ այս հարցերը պիտի լուծենք։ Կը վերաբերուեն դրանք պոլոժենիային եւ այլ փաստաթղթերի։ Այլ ելք ես եւ այլ տրամաբանութիւն չեմ տեսնում։

ԱԲՕ ՉԱՓԱՐԵԱՆ. Վերջին հարցում։ 

ԱՐԱՅԻԿ ՅԱՐՈՒԹԻՒՆԵԱՆ. Խնդրեմ։

ԱԲՕ ՉԱՓԱՐԵԱՆ. Ամերիկայի Միացեալ Նահանգներու փոխ նախագահ Ճէյ Տի, Վենսը այցելեց եւ յատուկ առաքելութեամբ եկաւ եւ մեր հեռուստադիտողները բաւականին իրազեկուած են այդ մասին։ Ի՞նչ հեռանկար կը պարզուի մեր առաջ Ճէյ․ Տի․Վենսի առաքելութեամբ։

ԱՐԱՅԻԿ ՅԱՐՈՒԹԻՒՆԵԱՆ. Մինչեւ Ճէյ․ Տի․ Վենսի այցի արդիւնքների մասին խօսելը, մի դիտարկում էի ուզում անել մեր հեռուստադիտողներին։ Երեւանից էլ էի ես դա տեսնում, բայց այստեղ աւելի ակներեւ դարձաւ։ Որ այստեղ ապրող հայերը չգիտես ինչու այս երկրի փոխ նախագահի այցը քննադատում էին։

ԱԲՕ ՉԱՓԱՐԵԱՆ. Կարգ մը հայերը, ոչ թէ բոլորը։

ԱՐԱՅԻԿ ՅԱՐՈՒԹԻՒՆԵԱՆ. Սա ծիծաղելի կը լինէր։ Մի մասը, մի խումբ կայ։ Սա ծիծաղելի կը լինէր, եթէ…

ԱԲՕ ՉԱՓԱՐԵԱՆ. Եւ հետաքրքրական է որ այս մարդիկ Ամերիկայի բարիքը կը վայելեն եւ Ռուսաստանիերաժշտութեամբ կը պարեն։

ԱՐԱՅԻԿ ՅԱՐՈՒԹԻՒՆԵԱՆ. Այո, իրենց երեխաները գնում են հանրային դպրոցներ, դրա համար վճարում է ամերիկեան հարկատուն, որ ընտրել է Ճէյ․ Տի․ Վենսին։ Իրենք չեն աշխատում, պորտաբուծութեամբ են զբաղւում, մի մասը։ Վճարում է ամերիկեան հարկատուն, նաեւ մեր հայրենակիցները, որոնք աշխատում են մեծամասամբ։ Այդ հարկերից գնում է իրենց, այս մարդիկ ընտրել են Ճէյ․ Տի․Վենսին, նախագահ Թրամփին, բայց քննադատում են Ճէյ․ Տի․ Վենսի այցը։ Սա շատ տարօրինակ է եւ կարծում եմ գնահատականի պէտք է արժանանայ։

Ինչ վերաբերում է Ճէյ․ Տի․ Վենսի այցին։ Այն շատ դրական է, որովհետեւ այդ այցի արդիւնքում արձանագրուել է, որ Միացեալ Նահանգները Հայաստանին այնպիսի թեքնոլոկիաներ են փոխանցում, եւ այնպիսի ներդրումներ են անում, որը անում են շատ քիչ երկրներում, մէկ ձեռքի մատների վրայ հաշուած երկրներում, թեքնոլոկիաների առումով։ Եւ սա ինչի մասին է վկայում։ Եթէ այլ որեւէ բան չանի Միացեալ Նահանգները Հայաստանի հետ յարաբերութիւններում, սա վկայում է այն մասին, որ Հայաստանին նկատմամբ Միացեալ Նահանգների գործող ատմինիսթրացիայի կողմից կայ չափազանց մեծ վստահութիւն։ Որովհետեւ Միացեալ Նահանգները չի փոխանցի այդ թեքնոլոկիաները մի երկրի, որ վստահ չլինէին որ այդ թեքնոլոկիաները չեն փոխանցուի երրորդ երկրների։ NVIDIA-ի պէս ընկերութիւնը, որը աշխարհի թիւ 1 ընկերութիւնն է թեքնոլոկիապէս զարգացած ընկերութիւնը, հսկայական՝ մինչեւ 4 միլիարդ տոլարի ներդրում է անում։ Ախր սրանք փաստեր են, որի դէմ որեւէ հակափաստարկ չի կարող աշխատել։

Ես չեմ ուզում որ այս տրամաբանութեան մէջ մենք որեւէ մտացածին քննադատութիւններ մեկնաբանենք, այլ խօսենք սրա արդիւնքների մասին եւ արդիւնքները կը լինեն։ Սա նաեւ ստիպելու է, որ շատ այլ երկրներ Հայաստանին այլ աչքով նայեն։ Ասեն, որ Միացեալ Նահանգների պէս երկիրը էսպիսի վստահութիւն ունի Հայաստանի նկատմամբ, նրա տնտեսութեան նկատմամբ, որովհետեւ եթէ այդ տնտեսութիւնը, տնտեսութեան մէջ կարգաւորումները լաւը չլինէին, Միացեալ Նահանգներից գումարներ չէին գայ այդ տնտեսութեանմէջ։ Որտեւ պիզնէսը ամէն դէպքում իր փողի տէրն է եւ պէտք է վստահ լինի որ այդ փողը աշխատելու է այդտեղ եւ իրենից չեն գողանալու։ Եւ միւս երկրները տեսնելով սա, վստահաբար, առաջիկայում մենք այլ երկրների հետ նաեւ ներդրման ծրագրեր կ҆իրականացնենք, որովհետեւ նրանք են գալու Հայաստան, տեսնելով որ Միացեալ Նահանգների պէս պետութիւնը ներդրումներ է կատարում Հայաստանում։

ԱԲՕ ՉԱՓԱՐԵԱՆ. Շնորհակալութիւն, պարոն Յարութիւնեան։

ԱՐԱՅԻԿ ՅԱՐՈՒԹԻՒՆԵԱՆ. Ես եմ շնորհակալ։

ԱԲՕ ՉԱՓԱՐԵԱՆ. Մեր սրտացաւ ամերիկահայերի եւ ընդհանրապէս արտերկրի հայութեան բաղձանքն է, առաջադրանքն է, որ Հայաստան պետութիւնը ըլլայ անսահմանափակ հնարաւորութիւններու երկիր։

ԱՐԱՅԻԿ ՅԱՐՈՒԹԻՒՆԵԱՆ. Էդ մի քիչ դժուար է, որովհետեւ իմ կարծիքով աշխարհում չկայ երկիր, նոյնիսկ Միացեալ Նահանգները չի անսահմանափակ հնարաւորութիւններով։ Բոլորի հնարաւորութիւնները այս կամ այն չափով սահմանափակ են։

ԱԲՕ ՉԱՓԱՐԵԱՆ. Այո, այո, բայց պէտք է տեսլականով առաջնորդուինք եւ աշխատասիրութեամբ։

ԱՐԱՅԻԿ ՅԱՐՈՒԹԻՒՆԵԱՆ. Մենք պէտք է ձգտենքնրան, որ Հայաստանը լինիհնարաւորութիւններիերկիր։ Եւ բաւականինշատհնարաւորութիւններստեղծուած են Հայաստանի Հանրապետութիւնում։ Եւ երբ որ շատխօսում են հայրենադարձութիւնիցկամտարբերծրագրերից, հայրենադարձութեանծրագիրըպետականութիւն, ինքիշխանութիւնունեցող Հայաստանի Հանրապետութիւնն է։ ՀայրենադարձութեանծրագիրըխաղաղՀայաստանն է։ ՀայրենադարձութեանծրագիրըանվտանգՀայաստանն է։ Սա ենքմենքառաջարկում մեր հայրենակիցներին եւ Հայաստանում, եւ Հայաստանիցդուրս։ Մնացած բոլոր ծրագրերըկենացներիմակարդակի են։  Եւ Հայաստանի Հանրապետութիւնը պէտք է լինիայնձգողականկէտը, հանգրուանը բոլոր հայութեան համար, լինեննրանքՀայաստանի Հանրապետութեան ներսում, թէ Հայաստանի Հանրապետութիւնիցդուրս։