ՕՐ 1՝ ՈՒՐԲԱԹ, ՀՈՒԼԻՍ 10, 2026թ
Օրհնութի՜ւն երգեցէք ՏԻՐՈՋ:
Օրհներգեցէ՛ք, դուք՝ ՏԻՐՈՋ ծառայողներ,
օրհներգեցէ՛ք ՏԻՐՈՋ անունը:
ՏԻՐՈՋ անունը օրհնեա՜լ ըլլայ
այժմէն մինչեւ յաւիտեան: (Սաղմոս 113.1-2)
ՕՐ 2՝ ՇԱԲԱԹ, ՀՈՒԼԻՍ 11, 2026թ
Եւ Յիսուս Քրիստոսի միջոցաւ արդար գործերով հարստացած՝ պատճառ
ըլլաք որ Աստուած փառաւորուի եւ գովուի: (Փիլիպպեցիս 1.11)
ՕՐ 3՝ ԿԻՐԱԿԻ, ՀՈՒԼԻՍ 12, 2026թ
Արդարեւ, Աստուծոյ բոլոր ստեղծածները բարի են եւ անոնց մէջ խոտելի
բան չկայ, մանաւանդ զանոնք շնորհակալութեամբ ընդունողին համար.
Որովհետեւ ամէն ինչ Աստուծոյ խօսքով եւ աղօթքով կը սրբուի: (Ա. Տիմոթէոս
4.4-5)
ՕՐ 4՝ ԵՐԿՈՒՇԱԲԹԻ, ՀՈՒԼԻՍ 13, 2026թ
Դո՛ւն ես Աստուածս, գոհութի՜ւն քեզի.
Աստուա՜ծս ես դուն հազար փա՜ռք քեզի:
Գոհութիւն յայտնեցէք ՏԻՐՈՋ՝ որովհետեւ բարի է.
անոր սէրը յաւերժական է: (Սաղմոս 118.28-29)
ՕՐ 5՝ ԵՐԵՔՇԱԲԹԻ, ՀՈՒԼԻՍ 14, 2026թ
Եթէ աշխարհ եկած չըլլայի եւ խօսած չըլլայի իրենց, մեղք պիտի
չունենային. Բայց հիմա իրենց մեղքին համար ոեւէ արդարացում չունին:
(Յովհաննէս 15.22)
ՕՐ 6՝ ՉՈՐԵՔՇԱԲԹԻ, ՀՈՒԼԻՍ 15, 2026թ
Յոյսով ուրախացէք, նեղութեանց մէջ համբերող եղէք, յարատեւ
աղօթեցէ՛ք: Կարիքի մէջ եղող եղբայրներուն օգնեցէք եւ միշտ հիւրասէր
եղէք: (Հռոմայեցիս 12.12-13)
ՕՐ 7՝ ՀԻՆԳՇԱԲԹԻ, ՀՈՒԼԻՍ 16, 2026թ
Մեր աղօթքներուն մէջ միշտ կը յիշենք ձեզ եւ անդադար ձեզի համար
գոհութիւն կը մատուցանենք Աստուծոյ։ (Ա. Թեսաղոնիկեցիս 1.2)