«Ամերիկյան Հայկական Ազգային Անվտանգության Ինստիտուտը» (AANSI) կանցկացնի իր հիմնադրման 5-ամյակին նվիրված հանդիսավոր երեկո՝ նշելու ԱՄՆ-Հայաստան գործընկերությունն ու պաշտպանական ոլորտում ցուցաբերվող աջակցությունը
ԼՈՍ ԱՆՋԵԼԵՍ, Կալիֆոռնիա – «Ամերիկյան Հայկական Ազգային Անվտանգության Ինստիտուտը» (AANSI)՝ 501(c)(3) կարգավիճակ ունեցող շահույթ չհետապնդող բարեգործական և կրթական կազմակերպությունը, հպարտությամբ հայտարարում է իր հիմնադրման 5-ամյակին նվիրված հանդիսավոր ընթրիքի մասին։ Այս նշանակալի միջոցառումը տեղի կունենա 2026 թվականի հոկտեմբերի 29-ին, ժամը 18:00-ին, «Տաղլյան» (Taglyan) հանդիսությունների համալիրում (հասցեն՝ 1201 North Vine Street, Los Angeles, CA 90028): Արդեն հինգ տարի է, ինչ AANSI-ն նվիրված է Հայաստանի Հանրապետության ինքնիշխանության, անկախության, ժողովրդավարության և պաշտպանունակության ամրապնդմանը՝ միաժամանակ զարգացնելով ԱՄՆ-ի և Հայաստանի միջև գործընկերային հարաբերությունները։ Այս տարվա հոբելյանական միջոցառումը նվիրված կլինի այդ կարևոր ձեռքբերումների նշմանը, ինչպես նաև կմեծարի այն անհատներին ԱՄՆ-ից, Հայաստանից և համաշխարհային հայկական սփյուռքից, ովքեր զգալի ներդրում են ունեցել կազմակերպության առաքելության իրականացման գործում։ Երեկոյի ընթացքում հավաքագրված միջոցներն ուղղվելու են Հայաստանում իրականացվող կարևորագույն ծրագրերի ֆինանսավորմանը, այդ թվում՝ • Կրթական նախաձեռնություններ. ուսուցում և մասնագիտական զարգացում Վազգեն Սարգսյանի Անվան Ռազմական Ակադեմիայի կուրսանտների, ինչպես նաև Ազգային Պաշտպանական Հետազոտական Համալսարանի բարձրաստիճան սպաների (գնդապետների և գեներալների) համար։ • Մարդասիրական օգնություն. AANSI-ի մարդասիրական աջակցության Բրիկադայի կողմից իրականացվող աղետների հետևանքների վերացման և վերականգնման ծրագրեր՝ ի նպաստ հայ ժողովրդի։ • Աջակցություն զինծառայողներին. անհրաժեշտ ֆինանսական օգնության հայթայթում և տրամադրում ԱՄՆ-ի և Հայաստանի զինված ուժերի վիրավորում ստացած կամ հաշմանդամություն ձեռք բերած զինծառայողներին։ Երեկոյի ընթացքում տեղի կունենա AANSI-ի նոր վավերագրական կարճամետրաժ ֆիլմի պրեմիերան, կներկայացվի հատուկ մշակութային ծրագիր՝ նվիրված ԱՄՆ-ի և Հայաստանի ընդհանուր ժառանգությանը, ինչպես նաև ելույթներով հանդես կգան երկու երկրների կառավարությունները ներկայացնող ականավոր գործիչներ։ Միջոցառումը կհամախմբի պատվավոր հյուրերի և բանախոսների, այդ թվում՝ • Գեներալ-մայոր (պաշտոնաթող) Մարկ ՄաքՔարլի՝ AANSI-ի հիմնադիր նախագահ • Կոնգրեսական Ջուդի Չու (ԱՄՆ Ներկայացուցչական պալատի անդամ) • Գնդապետ Արման Մկրտչյան՝ ԱՄՆ-ում Հայաստանի Հանրապետության պաշտպանական հարցերով նախկին կցորդ • Գնդապետ Արծրուն Հովհաննիսյան՝ Հայաստանի Ազգային Պաշտպանական Հետազոտական Համալսարանի պետ Մամուլի ներկայացուցիչները, համայնքային գործիչները և հայ-ամերիկյան հարաբերությունների աջակիցները հրավիրվում են մասնակցելու այս նշանակալի երեկոյին, որը նվիրված կլինի խորհրդածություններին, մշակույթին և ապագային միտված համագործակցությանը։ Լրատվամիջոցների հարցումների, տոմսերի կամ հովանավորության վերաբերյալ տեղեկությունների համար խնդրում ենք կապ հաստատել Ամերիկահայ ազգային անվտանգության ինստիտուտի (AANSI) հետ։ Միջոցառման մանրամասները՝ • Միջոցառում՝ AANSI-ի հիմնադրման 5-ամյակին նվիրված հանդիսավոր ընթրիք • Ամսաթիվ՝ 29 հոկտեմբերի, 2026 թ. • Ժամը՝ 18:00 • Վայրը՝ «Թագլյան» բանկետային համալիր (Taglyan Banquet Complex), 1201 North Vine Street, Los Angeles, CA 90028