Արժանթինի ֆութպոլի Գ. դասակարգի ախոյեանութեան 8-րդ հանգրուանին գծով տեղի ունեցած մէկ մրցումին, Տեփորթիւօ Արմենիոյի ֆութպոլիստները Քոլեխիալեսի դէմ իրենց մրցումը կատարեցին Հայոց ցեղասպանութեան 106-րդ տարելիցին նուիրուած մարզաշապիկ հագած:
Մարզաշապիկներուն վրայ զետեղուած էին Հայաստանի դրօշին գոյներով բռունցք, Հայոց ցեղասպանութիւնը խորհրդանշող անմոռուկ եւ 106 թիւը:
Ֆութպոլիստներու անուններուն փոխարէն գրուած էր «Արմենիա», իսկ ներսի բաժինին մէջՀայաստանի եւ Արցախի քարտէսը: Այս մրցումը աւարտեցաւ Տեփորթիւոյի յաղթանակով 1-0 արդիւնքով:
Անիկա այժմ կը գտնուի դասաւորման 13-րդ դիրքին վրայ:
Արժանթինեան Ֆութպոլի Ակումբը Իր Մրցումը Կատարեց Հայոց Ցեղասպանութեան Տարելիցին Նուիրուած Մարզաշապիկով
ByAppo
May 5, 2021
