Հայաստանի ֆութպոլի ազգային հաւաքականի 30 տարեկան բերդապահ Արսէն Բեգլարեան ախոյեան Ուրարտուէն միացաւ Արարատ-Արմենիայի, այս մասին յայտնեց անոր նոր ակումբին մամլոյ քարտուղարութիւնը:
Բեգլարեան, որ վերջին չորս տարեշրջաններուն մաս կազմեց երեւանեան ակումբին,նախապէս մաս կազմած է նաեւ Լիեփայայի (Լաթվիա), Տնիփրօ Մոկիլեւի (Պիելոռուսիա), ինչպէս նաեւ ռուսական եւ հայկական շարք մը ակումբներու:
Անոր նոր ակումբը, որ Հայաստանի ֆութպոլի բարձրագոյն դասակարգի ախոյեանութեան 2022-2023 տարեշրջանին գրաւեց երրորդ դիրքը, 2023-2024 տարեշրջանին իր մասնակցութիւնը պիտի բերէ «Քոնֆըրընս Լիկ»-ի ֆութպոլի զտումի մրցաշարքին:
