Հայաստանի բռնցքամարտի ազգային խումբի անդամ Բարեղամ Յարութիւնեան դարձաւ Եւրոպայի ախոյեանութեան արծաթէ մետալակիր:
Ըստ «Արմէնփրես»-ի, Սերպիոյ մայրաքաղաք Պելկրատի մէջ տեղի ունեցող բռնցքամարտի Եւրոպայի ախոյեանութեան 48 քկ կշիռի աւարտական մրցումին, Բարեղամ Յարութիւնեան 5-0 արդիւնքով պարտութիւն կրած է Ռուսիան ներկայացնող Էտմոնտ Խուտոյեանէն:
Նախապէս կիներու ազգային խումբի անդամներ Անի Յովսէփեան եւ Անուշ Գրիգորեան շահած էին պրոնզէ մետալներ, մինչ տղոց խումբէն Արթուր Բաղեան, Արթուր Սահակեան եւ Արարատ Յարութիւնեան շահած էին պրոնզ մետալներ: